سعودی عربستان حوثی لرنینگ ایککی ته انسانسیز هوا واسطه سینی اوریب یوق قیلدی

سعودی عربستان، یمنده گی حوثی لر تامانیدن جونه تیلگن ایککی ته قوراللی انسانسیز هوا واسطه سی (İHA) نینگ اوریب یوق قیلگنینی بیلدیردی.

سعودی عربستان رسمی خبر آژانسی بولمیش SPA ده اورین آلگن خبرده، ائتلاف کوچلری نینگ سوزچیسی تورکی المالکی، کیچه لب یمنده گی حوثی لر تامانیدن جونه تیلگن ایککی ته قوراللی هوا واسطه سی نینگ هوا مدافعه تیزیمی آرقه لی اوریلیب یوق قیلینگن لیگینی بیلدیردی.

مالکی، اوشبو قوراللی İHA لردن بیرته سی نینگ سعودی عربستان نینگ جنوبیده جایلشگن ابها شهریده گی مسکونی منطقه گه قره ب باراتگن پیتده ایریم بیرته سی نینگ ایسه یمن نینگ ایچیده لیگیده اوریلیب تاثیرسیز وضعیت گه کیلتیریلگن لیگینی قید ایتدی.

حوثی لر، 12 جونده سعودی عربستان نینگ ابها قونلغه سیگه هجوم اویوشتیررکن حادثه ده 26 کیشی یره لنگن ایدی.

یمنده گی حوثی لر، سونگی ییللرده عموماً سعودی عربستان نینگ بعضی بیر منطقه لرینی بالستیک راکتلر بیلن آماج قرار بیرماقده. بیراق عربستان اولکه سی هوا مدافعه تیزیملری آرقه لی بو راکتلرنی تاثیرسیز وضعیت گه کیلتیرماقده دیر.

حوثی لر 2014 – ییلی سپتمبر آییدن بیری یمن نینگ پایتختی صنعا بیلن بعضی بیر منطقه لرنینگ کنترولینی اوز قولی گه آلیب تورگن.

سعودی عربستان باشچی لیگیده گی ائتلاف کوچلری ایسه 2015 – ییلی مارچ آییدن بیری حوثی لرگه قرشی یمن حکومتینی قولب – قوتله ماقده دیر.