اردوغان: تاریخ مرسی نینگ شهادتی گه سبب بولگن ظالم لرنی اونوتمَیدی

تورکیه جمهوریتی جمهوررئیسی رجب طیب اردوغان, "شهید مرسی قرداشی میز نی الله تعالی رحمت ایله سین" دییه قید ایتدی. 

استانبول ده بولیب اوتگن بیر مراسم جریانیده بیرگن بیانات لریده محمد مرسی نینگ وفات ایتگن لیگی نی معلوم قیلگن اردوغان, مصر خلقی گه تسلیت بیلدیردی.

جمهوررئیس اردوغان, محمد مرسی نینگ, مصرده کودتا بیلن اقتدار گه کیلگن ظالم (جنرال عبدالفتاح السیسی) تامانیدن مینگلب دوست لری بیلن بیرگه قماقخانه گه تشلنگن لیگی نی بیلدیررایکن, اوشبو کیشی لرنینگ اوزاق ییل لر دوامیده قماقخانه ده قالگن لیک لری نی معلوم قیلدی. 

مرسی نینگ ایشانگن دعواسی اوچون کوره ش آلیب باریاتگن بیر پیتده شهید بولگن لیگی نی معلوم قیلگن اردوغان, "تاریخ مرسی نینگ شهادتی گه سبب بولگن ظالم لرنی هیچ قچان اونوتمَیدی" دییه قید ایتدی. 

سابق جمهوررئیس محمد مرسی 2012 – ییلده بولیب اوتگن سیلاو لر نتیجه سیده مصر نینگ بیرینچی انتخابی جمهوررئیسی ایتیب سیلنگن ایدی. 

بیراق, مرسی, 2013- ییل 3 جولایده, جنرال السیسی ییتکچیلیگیده گی مصر قوراللی کوچلری نینگ کودتا سی نتیجه سیده اقتدار دن توشیریلدی. 

مرسی ایسه, کودتا نی قبول قیلمیدیگن لیگی نی بیلدیریب انسان لرنی کودتا گه قرشی مقاومت گه چقیردی. 

کودتا آرتیدن نظارت آستی گه آلینگن مرسی, تقریباً 6 ییلدن بیری قماقخانه ده یشه ماقده ایدی. مرسی نینگ ساغلیق وضعیتی سونگگی پیت لرده یمان له شیب بارماقده ایدی.