تورکیه، امریکا بیلن اسرائیل نینگ جولان تپه لری بیلن تیگیشلی قراریگه ناراضی لیک بیلدیرماقده

تورکیه تشقی ایشلر وزیری مولود چاووش اوغلی، امریکا قوشمه ایالتلری دولت باشلیغی دونالد ترامپ نینگ سوریه نینگ جولان تپه لرینی اسرائیل نینگ اوز توپراقلریگه قوشیب آلیش قرارنامه سینی امضا قیلگن لیگی گه ناراضی لیک بیلدیردی.

چاووش اوغلی بو قرارنینگ اسرائیل نینگ جولان تپه لرینی قوشیب آلیشینی مشروع لشتیرمس لیگینی بیلدیردی.

اجتماعی ترماق آرقه لی بیرگن بیاناتیده؛

"امریکا قوشمه ایالتلری ینه بیر بار خلق ارا قانونلرنی یوق قیلیب تشله دی.

بیراق بو قرار اسرائیل نینگ (جولان تپه لرینی) اوز توپراقلریگه قوشیب آلیشینی مشروع لشتیرمه یدی.

عکسینچه اورته شرقده گی تینچ لیک فعالیتلریگه توسیق بولیب، منطقه ده بحراننی کوپه یتیره دی" دیب ایتدی.

جمهور رئیسلیک سوزچیسی ابراهیم قلین ایسه، امریکا قوشمه ایالتلری نینگ جولان تپه لری قراری نینگ تینچ لیک که قرشی بحران یراتووچی بیر یانداشوونینگ محصولی ایکن لیگینی بیلدیردی.

ابراهیم قلین موضوع بیلن تیگیشلی بیاناتلریده،

"کیم حمایه قیلیشیدن قطعی نظر اشغال و اوروش سیاستلری غیر مشروع و غیر انسانی دیر" دیب ایتدی.

عدالت و ترقیات حزبی سوزچیسی عمر چیلیک هم "ترامپ نینگ امضاسی مشروع ایمس دیر" دیب ناراضی لیک بیلدیردی.

"جولان تپه لری، اسرائیل گه مربوط ایمس دیر، سوریه نینگ توپراقلری دیر." دیب ایتدی.

دونالد ترامپ " اسرائیل نینگ جولان تپه لری نینگ اوستیده گی حاکمیتینی امریکا قوشمه ایالتلری تامانیدن رسماً تنیگن لیگی" بیلن تیگیشلی اعلان قیلینگن قرارنامه نی امضاله گن ایدی.

پایتخت واشنگتنده گی امضا مراسمی گه، اسرائیل باش وزیری بنیامین نتنیاهو هم قتنشگن ایدی.

ترامپ مراسم جریانیده، "اسرائیل نینگ جولان تپه لریده گی حاکمیتینی تنیدیم" دیب ایتگندی.

باشقه تاماندن امضا مراسمی جریانیده اسرائیل اوچاقلری غزه نی بمباردمان قیلماقده ایدی.