یمنده حوثی لر تینچ اهالی گه هجوم اویوشتیردی

یمنده، حوثی لر تامانیدن الحدیده شهریگه اویوشتیریلگن توپ آتیشی هجومیده 5 ته باله حیاتینی یوقاتدی.

یمن اردوسی چوکاتیده گی امالیکا کوچلری مطبوعات مرکزی نینگ اجتماعی ترماق تویتر آدرسیدن بیریلگن بیاناتگه کوره، حوثی لر، الحدیده نینگ جنوب تامانیده گی التُهیتانینگ غربیده جایلشگن النصر محله سیده توپ فیر قیلگن. اوشبو هجوم عاقبتیده 2 ته سی بیر عایله دن توپلم 5 باله جان بیرگن.

مذکور بیاناتده، بیر توپ مرمیسی نینگ باله لر اوینب تورگن جایگه باریب توشگن لیگی و باله لرنینگ اوشه جایده اولگن لیگی قید ایتیلدی.

مذکور هجوم بیلن تیگیشلی حوثی لر تامانیدن حلی گچه هیچ بیر بیانات بیریلمه گن.

حوثی لر 19 فبروریده التُهیتاده بیر بازارجایگه اویوشتیرگن هجومی عاقبتیده 2 باله توپلم 4 کیشی اولگن ایدی.