انگلستان اسرائیل نی تنقید قیلدی

انگلستان تشقی ایشلر وزیری بوریس جانسون, اولکه سی نینگ, امریکا قوشمه ایالت لری نینگ اسرائیل سفارتی نینگ بیت المقدس گه انتقال ایتتیریلیشی نی قبول قیلمه گن لیگی نی بیلدیردی. 

جانسون, فلسطین دولت رهبری محمود عباس بیلن تلفن آرقه لی اوچره شدی.

فلسطین رسمی خبر آژانسی وفا, جانسون نینگ اوشبو تلفنی صحبت جریانیده منطقه ده تینچلیک نینگ اورنه تیلیشی اوچون هر خیل سعی و حرکت اوچون تیار ایکن لیک لری نی بیلدیرگن لیگی نی معلوم قیلدی.

عباس, انگلستان نینگ آلیب باریتگن اوشبو سیاستلری سببلی خرسند ایکن لیک لری نی معلوم قیلرایکن, فلسطین نینگ خلق ارا مشروعیت دایره سیده تینچ لیک نینگ اورنه تیلیشی بوییچه  سعی و حرکت لر گه طرفدار ایکن لیگی نی ایسله تیب اوتدی. 

بیت المقدس و مهاجر لر بیلن علاقه لر مذاکره لرنینگ اداققه ییتیشیشی آرتیدن امریکا قوشمه ایالتلری نینگ اسرائیل بیلن فلسطین اورته سیده واسطه چی خصوصیتی نی قولدن بیریب قویگن لیگی نی بیلدیرگن عباس, حاضرگی کونده خلق ارا مقیاسده تینچ لیک نینگ تامین ایتیلیشی بوییچه بیر میکانیزم طلب ایتیاتگن لیک لری نی معلوم قیلدی. 

اسرائیل عسکر لری نینگ, غزه چیگره سیده امریکا سفارتی نینگ بیت المقدس گه انتقال ایتتیریلیشی گه قرشی مظاهره قیلگن و نکبه نینگ 70 نچی ییل لیگی نی ایسلش اوچون ناراضی چیلیک نمایش لری اوتکزگن فلسطین لیک لر گه قره ته اوق اوزیشی عاقبتیده 63 فلسطینلیک شهید بولرایکن, کمیده 3 مینگ کیشی ایسه یره لندی.