ایردوغان: اسرائیل نسل قیرغینی حادثه سینی عملی قیلماقده
تورکیه جمهور باشلیغی رجب طیب ایردوغان، "اسرائیل تامانیدن فلسطینده عملگه آشیریلگن ظلم و قتل عام گه سیس چیقرمه گنلرنی لعنت له یمن" دیب ایتدی.
رسمی سفر بیلن انگلستان گه بارگن ایردوغان، بو جایده اوقووچیلرگه خطاباً گپیردی.
امریکا قوشمه ایالتلری تل ابیب ده گی بویوک ایلچی لیگینی بیت المقدس گه انتقال بیره یاتگن پیتده اونلب فلسطین لیک تینچ اهالی نینگ اسرائیل لیک عسکرلر تامانیدن شهید ایتیلیشینی قاره له گن ایردوغان، "اسرائیل دولت تروری آلیب بارماقده دیر" دیب، تورکیه نینگ فلسطین لیک قرینداشلری نینگ یانیده قاطعانه بیر شکلده بولیب توره جگینی اورغوله دی.جمهور باشلیغی ایردوغان، "اسرائیل قول اورگن حادثه نسل قیرغینی دیر. بو بشری فاجعه و نسل قیرغینینی امریکا ویا اسرائیل قیسی تامان هم عملگه آشیرگن بولسه لعنت له یمن" دیب ایتدی.
جمهور باشلیغی ایردوغان، « بوگون اسرائیل تروری سببلی قربان بولگن غزه لیک شهیدلریمیزگه، فلسطین لیک شهیدلرمیزگه اللّه دن مغفر‌ت تیلب قاله‌من. عینِ هجومده یره‌لنگن فلسطین لیک برادرلریمیزگه شفا تیلب قاله‌من.» دیدی.
فلسطینده بوگون صادر بولگن حادثه‌لرده 2 مینگ 500 اطرافیده فلسطینلیک یره‌لندی دیب ایتدی ایردوغان، یره‌دارلر آره‌سیده وضعیتی جوده آغیر بولگنلر موجود و دارو-درمان ییتکزیشده حتا قینلماقده، دیدی.
جمهور باشلیغی ایردوغان،
«مین اوشبو انسانیت فاجعه‌سی قَیسی تامانده بولسه بولسین، خواه امریکا، خواه اسرائیل لعنترله‌یمن و بونگه اعتبارسیز قالگنلرنی هم عیبله مه سینلر اولرنی هم لعنتله‌یمیز. اسرائیل بیر ترور دولتی دیر و بیر ترور دولتی اوله راق ایسه قیلگن عملی بیلن بونی اثباتله ماقدیر.
افسوس کی امریکا، ( سوريه‌ده، بولووچی ترور تشکیلاتی) PYD، YPG بیلن بیرگه‌لیکده داعش گه قرشی کوره‌شگنینی افاده ایتیب قنده‌ی همکارلیک قیلسه منه بو ییرده افسوسکی اسرائیل بیلن ظالمانه همکارلیک قیلماقده. اسرائیل اوشبو حرکتی بیر نسل قیرغینی و بو نسل قیرغینینی ایلک مراتبه بوگون قیلمه گن، 1948دن اعتباراً اوشبو اشغال دوام ایتماقده دیر و کیچره‌ییب- کیچره‌ییب بوگونکی بیر هاووچ ییرده قالدی فلسطین. حاضر هم بو ییردن هَیده‌ش اوچون حرکت قیلماقده.
ناقانوني بیر قرارگه قرشی فقط‌گینه دموکرا‌تیک حقیدن فایده‌لنگن تینچ اهالیگه قره‌ته اوشبو هجوملر ینه بیر بار اسرائیل نینگ پست یوزینی رویابگه چیقردی « دیب ایتدی.
هجوم خبرینی آلگندن کیین باش وزیر بن علی ییلدیریم و باشقه تیگیشلی مقاملر بیلن اوچره‌شگنلرینی تیلگه آلگن ایردوغان، شونده‌ی دوام ایتدی:
« قیلگن مصلحتلریمیز نتیجه‌سیده تورکيه صفتیده صادر بولگن وحشتگه اوز ناراضیلیگیمیزنی کورسه‌تیش اوچون بعضی قرارلر آلدیک. فلسطینلیک برادرلریمیز بیلن بیردملیکده اولکه‌میزده ایرته‌دن باشلب 3 کونلیک ماتم اعلان قیلدیک. علیحده دور رهبریتینی یوریته‌یاتگنیمیز اسلام همکارلیک تشکیلاتینی هم اضطراری ییغیلیشگه چقیره‌میز. جمعه کونی توشدن کیین عاجل ییغیله‌میز، توشدن کیین هم یینی قا‌پی میدانیده ییغیلیب ظلمگه قرشی انشاالله ناراضیلیگیمیزنی کورسه‌ته‌میز.
بو نینگ یانیده بیرلشگن ملتلر تشکیلاتی باش کینگشینی هم اضطراری روشده ییغیلیشگه تکلیف قیله‌میز. انشاالله ایرته‌گه تورکيه بویوک ملت مجلسیمیز هم خاص کون ترتیبی بیلن ییغیله‌دی. بوندن تشقری فلسطینلیک برادرلریمیز بیلن بیردملیک قیلیش اوچون جمعه کونی تشله‌یدیگن قدم استانبولده عملگه آشیره‌میز، یکشنبه کون هم دیاربکرده نمایشلر اویوشتیره‌میز و بونی بیری- کیتین دوام ایتتیره‌میز. اسلام همکارلیک تشکیلاتی صفتیده رمضان آیی بویی اولکه‌لرده فلسطین برادرلریمیز اوچون یاردم کمپاینی اویوشتیره‌میز.
قیزیل یریم آی جمعیتی بوگون 100 مینگ دالرلیک عاجل احتیاجلرنی خرید قیله‌دی، غزه ده‌گی شفاخانه‌لرگه یاردملرنی ییتکزیشنی تیلگه آلگن جمهور باشلیغی ایردوغان، « آفاد و قوراللی کوچلر رهبریتیمیز کوردیناتورلیگی بیلن غزه ده‌گی یره‌دارلرنی انتقالی اوچون کیره‌کلی فعالیتلر عملگه آشیریله‌دی.» دیدی.
