سعودی عربستانده خاتین - قیزلرنینگ قاره حجاب کییشی شرط ایمس

سعودی عربستان ولیعهد شهزاده سی محمد بن سلمان، خاتین – قیزلرنینگ "حرمت قیلیب مناسب " کییم کییگن تقدیرده "کتته قاره حجاب " کییش گه مجبور بولیب قالمس لیکلرینی ایتدی.

ولیعهد شهزاده، CBS کانالی گه بیر اوز بیاناتیده؛

شریعت قانونلری جوده انیق و آیدین دیر. خاتین – قیزلرنینگ ایرککلر کبی "حرمت بیلن" کییشلری کیره ک. بونینگ کتته قاره حجاب بولیشی شرط ایمس" دیب ایتدی.

سلمان امریکا قوشمه ایالتلری دولت رهبری دونالد ترامپ بیلن اوچره شمه ی توروب آزگینه آلدین بو بیاناتینی بیردی.

سعودی عربستانده ولیعهد شهزاده سلمان بیر مدت آلدین اولکه سی نینگ "معتدل اسلام" گه اوتیشیدن خبر بیرگن ایدی.

خوددی شو شهزاده خاتین – قیزلر اوچون موتر هیده ش، استدیوملرگه باریش، سینماگه باریش کبی بیر قطار توسقینلیک لرنی برطرف ایتگن ایدی.

سعودی عربستانده ایلک بار بو ییل بیر عیال چاپیش مسابقه سیده اورین آلرکن بیر عایل صنعتکار کنسرت اجرا ایتگن ایدی.