عفرینده 58 نفر تروریست چنگریسی اوشلب آلیندی

تورک قوراللی کوچلری تامانیدن سوریه نینگ عفرین منطقه سیده باشله تیلگن زیتون یاله سی عملیاتیده اولگن تروریست سانی نینگ 2 مینگ 59 نفرگه بارگن لیگی بیلدیردی.

بو تروریست جنگریلریدن 58 نفر ساغ اوله راق اوشلب آلیندی.

قوراللی کوچلر تامانیدن بیریلگن بیاناتده زیتون یاله سی عملیاتی چوکاتیده ،PKK/KCK/PYD-YPG و داعش ترور تشکیلاتلری گه قره ته اویوشتیریلگن هوائی و زمینی عملیاتده 38 نفر اولدیریلدی.

قوراللی کوچلرنینگ بیاناتیده، زیتون یاله سی عملیاتی چوکاتیده تروریست گروهی PKK/KCK/PYD-YPG و داعش نینگ جایلری هوادن و ییردن نشان آلینماقده، دیب ایتیلگن.

مذکور بیاناتده، 20 جنوریده عملیات باشلنگنیدن بوگونگچه اولگن تروریست سانی نینگ 2 مینگ 59 نفرگه بارگن لیگی بیلدیریلدی.

باشقه تاماندن تورکیه قوراللی کوچلری بیلن آزاد سوریه اردوسی عفرین نینگ شمال – غرب تامانیده جایلشگن 3 قشلاقنی تروریست گروهی YPG/PKK و داعش نینگ قولیدن قوتقریب آلدی. شو بیلن تورکیه قوراللی کوچلری بیلن آزاد سوریه اردوسی تروریست جنگری لری نینگ مناسبتینی تورکیه چیگره سیدن تماماً کیسیب تشلب هلالنی توزه دی.

تورک قوراللی کوچلری و آزاد سوریه اردوسی عملیات باشلنگنیدن بوگونگچه PKK /PYD  و داعش نینگ اشغالی آستیده گی عفرینده بیرته شهرچه نینگ مرکزی، 87 قشلاق و ستراتیژیک تاغ تپه بیرته YPG/PKK گه باغلیغ قرارگاه اوله راق توپلم 115 نقطه تروریستلرنینگ قولیدن قوتقریب آلگن.

سوریه چیگره سیده گی کوچلرگه تقویه وی اوله راق جونتیلگن ژاندارم خاص حرکات تیمی و خاص پولیس حرکاتی کوچلری هاتای ولایتی نینگ هاسا تومنیدن عفرین نینگ زیتون یاله سی عملیاتیده قوتقریلگن جایلرگه ییتیب باردی.