ادلبده روس حربی اوچاقلری هوائی هجوم اویوشتیردی

سوریه ده ادلب بحراننی کمه یتیریش منطقه سیده، روس حربی طیاره لری نینگ خالی قیلینگن شفاخانه و ایککی باب مکتب گه اویوشتیرگن هوائی عملیاتده 10 نفر تینچ اهالی جان بیردی.

ادلب ملکی مدافعه مدیری مصطفی حاج یوسف، روسیه هوائی کوچلری نینگ ادلبده هوائی هجوم اویوشتیریش گه دوام ایتیب تورگنینی ایتدی.

یوسف؛

روس حربی اوچاقلری نینگ هجوملریده جسرالشغور تومنیده 15 ملکی اهالی نینگ ایسه یره لنگنینی ایتدی.

خودی شو ولایتده عموماً هوائی هجوملرنینگ دوام ایتیب تورگنینی معلوم قیلیب، بیرنچی هجوم نینگ آرتیدن مکتبلرنینگ تعطیل قیلگن لیگی و شفاخانه نینگ خالی قیلینگن لیگی کتته فاجعه نینگ روی بیریشی گه مانع بولگن لیگینی بیان ایتدی.

ملکی مدافعه گروهلری، هوائی هجوملرنینگ دوام تورگنینی و تلفات نینگ آرتیب کیتیشیدن خواطرده ایکنلیکلرینی افاده ایتدیلر.

سوریه نینگ شمال تامانیده تورکیه نینگ چیگره سیده جایلشگن ادلب، قزاقستان نینگ پایتختی آستانه ده 2017 – ییلی 4-5 می تاریخلریده بولیب اوتگن جلسه ده تورکیه، روسیه و ایران تامانیدن "بحراننی کمه یتیریش منطقه سی" دیب اعلان قیلینگن ایدی.