اردن بیلن مصر رهبر لری بیت المقدس خصوصیده اوز ارا صحبت ایتدی

اردن پادشاه سی ایککینچی عبدالله بیلن مصر جمهوررئیسی عبدالفتاح السیسی تلفن آرقه لی اوز ارا صحبت ایتدی. 

اوشبو صحبت جریانیده اساساً فلسطین و بیت المقدس مسئله لری توغریسیده بحث ایتیلدی. 

پادشاه عبدالله, بیت المقدس شهریده گی فلسطین لیک لر, مسلمان لر و مسیحی لرنینگ حق لری نینگ قورینیشی اوچون عرب سیاستچی لرنینگ بیر یقه دن باش چیقاریشی کیره ک ایکن لیگی نی بیلدیردی. 

عینی دمده پادشاه عبدالله, فلسطین لیک قرداش لری نینگ شرقی بیت المقدس نینگ پایتخت لری بوله دیگن شکلیده مستقل بیر دولت قوریش فعالیت لری نینگ حمایه له نیشی کیره ک ایکن لیگی نی معلوم قیلدی. 

السیسی بیلن عبدالله, عرب لر بیلن علاقه لی مسئله لر گه تیگیشلی اوز ارا مشوره قیلیش گه دوام ایتتیریش لری بوییچه کیلیشیب آلدی. 

امریکا قوشمه ایالت لری دولت رهبری دونالد ترامپ, دسامبر آیی نینگ 6 نچی کونیده بیرگن بیانات لریده, بیت المقدس نی اسرائیل پایتختی اوله راق اعلان ایترایکن, امریکا ایلچی لیگی نینگ هم خودی منه شوو شهر گه انتقال ایتتیریلیشی اوچون تشقی ایش لر وزیرلیگی گه بویروق بیرگن لیگی نی معلوم قیلگن ایدی.