سعودی عربستان قطر بیلن بولگن چیگره سی نی یاپیب قویدی

سعودی عربستان رهبریتی, قطر بیلن بولگن بیرته گینه چیگره سی دروازه سیدن عبارت سلوی چیگره سی نی هم یاپیب قویدی. 

اوشبو مطلب نی قطرده کورستو آلیب باریتگن الجزیره تلویزیونی بیلدیردی. 

خبرده, سعودی عربستان مالیه وزیرلیگی گه باغلیق گمرک ریاستی تامانیدن اوشبو چیگره دروازه سی نینگ یاپیلیشی خصوصیده بویروق بیریلگن لیگی معلوم قیلیندی. 

سعودی عربستان رهبریتی جون آیی نینگ 5 نچی کونیده باشلب کیتگن دیپلماتیک بحران آرتیدن جون آیی نینگ 19 نچی کونیده سلوی چیگره سی نی یاپیب قویرایکن, بیراق, آگست آیی ده حاجی لرنینگ اوتیشی گه اجازت بیره باشله گن ایدی. 

اوشبو خبر گه قره گنده ایندی ایسه ریاض رهبریتی مذکور چیگره دروازه سی نی بوتونلی یاپیب قویگن وضعیتده.

سعودی عربستان رهبریتی تامانیدن ایسه اوشبو خصوصده هیچ قنده ی بیر بیانات بیریلمه دی.

بیرلشگن عرب امیرلیک لری, سعودی عربستان, بحرین و مصر رهبریت لری نینگ جون آیی نینگ 5 نچی کونیده قطر بیلن بولگن دیپلماتیک مناسبت لری نی توخته تیب قویشی آرتیدن کورفز منطقه سیده بحران باشلب کیتگن ایدی.