اوروپا بیرلیگی رهبر لری ترامپ نینگ قراری نی رد ایتدی
اوشبو رهبر لر ترامپ نینگ بیت المقدس بیلن علاقه لی قراری نی رد قیلدی
اوروپا بیرلیگی رهبر لری ترامپ نینگ بیت المقدس بیلن علاقه لی قراری نی رد ایتدی.
اوروپا بیرلیگی رهبر لری بلجیم پایتختی بروکسلده بیر ییغیلیش اوتکزدی.
بلجیم پایتختی بروکسلده بولیب اوتگن اوروپا بیرلیگی رهبر لر ییغیلیشی جریانیده اسرائیل بیلن فلسطین آره سیده گی معما نینگ ایککی مستقل دولت نینگ قوریلیشی بیلن حل ایتیله دیگن لیگی بیلدیریلدی.
اوروپا بیرلیگی کمیسیونی باشلیغی دونالد توسک, اوشبو رهبر لر ییغیلیشی نینگ ایلک کونیدن کیین تویتر آرقه لی بیرگن بیاناتیده, "اوروپا بیرلیگی رهبر لیگی, ایککی مستقل دولت نینگ قوریلیشی خصوصیده قرارلی ایکن لیک لری نی ینه بیر باره بیلدیردیلر" دییه قید ایتدی.
توسک, بیرلیک اعضالری نینگ, بیت المقدس نینگ موقفی نینگ مذاکره بیلن انیق لشتریلیشی خصوصیده گی قرار لی لیک لریده هیچ قنده ی بیر اوزگریش نینگ بحث موضوعی ایمس لیگی نی یازدی.
اوروپا بیرلیگی تشقی علاقه لر عالی نماینده سی فریدریکا موگرینی هم, "بیت المقدس نینگ ایککی دولت نینگ هم پایتختی بوله دیگن شکلده, میلادی 1967 نچی ییلی چیگره لری بیلن ایککی دولت نینگ قوریلیشی ییچیم یولیدن عبارت" دییه قید ایتدی.
موگرینی, اوروپا بیرلیگی نینگ اوشبو سیاست لری نی اسرائیل باش وزیری بونیامین ناتانیاهو گه انیق روشده توشنتیریب بیرگن لیگی نی بیلدیردی.
امریکا قوشمه ایالت لری دولت رهبری دونالد ترامپ دسامبر آیی نینگ 6 نچی کونیده بیت المقدس نی اسرائیل پایتختی اوله راق اعلان ایتگن ایدی.
شونده ی قیلیب اوروپا بیرلیگی رهبر لری ترامپ نینگ بیت المقدس بیلن علاقه لی اوشبو قراری نی رد ایتگن بولدی.
