اردوغان: بیت المقدس نینگ ایگه سیز ایمس لیگینی کورسه تیب بیردیک

ترکیه جمهوریتی جمهوررئیسی رجب طیب اردوغان, بیت المقدس نینگ ایگه سیز ایمس لیگی نی کورسه تیب بیرگن لیک لری نی بیلدیردی. 

اردوغان, استانبولده بولیب اوتگن اسلام همکارلیک تشکیلاتی رهبر لر ییغیلیشی آرتیدن, فلسطین دولت رهبری محمود عباس و اوشبو تشکیلات نینگ عمومی سکرتری یوسف بن احمد بیلن مشترک بیر مطبوعاتی کنفرانس ترتیب له دی. 

اردوغان, "اوشبو تاریخی رهبر لر ییغیلیشی بیلن بیت المقدس نینگ ایگه سیز ایمس لیگی نی دنیا گه کورسه تیب بیرگن لیگی میز گه ایشانماقده من" دییه قید ایتدی.

جمهوررئیسی اردوغان, اوز سوز لرینی, "بیت المقدس نی اسرائیل پایتختی اوله راق اعلان قیلگن امریکا قوشمه ایالتلری نینگ ایندی اسرائیل بیلن فلسطین آره سیده واسطه چیلیک ایتیشی کبی بیر نرسه نینگ بحث موضوعی بولیشی ممکن ایمس. ایندی اوشبو پروسه اداققه ییتگن وضعیتده" شکلیده دوام ایتتیردی. 

اسلام همکارلیک تشکیلاتی رهبر لری صفتیده اوشبو قرارلی سیاست لرنی دوام ایتتیریش کیره ک ایکن لیگی نی بیلدیرگن اردوغان,  "بیت المقدسدن واز کیچیشی میز نینگ ممکن ایمس لیگی نی بیلدیردیک.  امریکا قوشمه ایالت لری برچه اعتراض لری میز گه قره مسدن, بیت المقدس بیلن علاقه لی حقوق, منطق و اخلاققه سیغمیدیگن بیر شکلده اوز بیاناتی نی بیردی.  اوشبو قرار نینگ حقوقی, وجدانی و تاریخی جهتدن هیچ قنده ی بیر اعتبار گه ایگه ایمس لیگی نی بیرینچی کوندن بیری ایتیب کیلماقده میز.  یعنی امریکا قوشمه ایالت لری دولت رهبری دونالد ترامپ نینگ اوشبو قراری بیز نینگ جهتی میز دن هیچ قنده ی بیر اعتبار گه ایگه ایمس" دییه قید ایتدی. 

جمهوررئیسی اردوغان اوز سوز لری نی, "اسلام همکارلیک تشکیلاتی نینگ اوشبو رهبر لر ییغیلیشی, امریکا رهبریتی نینگ تشله گن اوشبو تحریک ایتووچی قدمی نینگ جوده کتته قیین چیلیک لر گه سبب بوله دیگن لیگی نینگ کورسه تیلیشی جهتی دن اوزی گه خاص بیر اهمیت گه ایگه" شکلیده دوام ایتتیردی. 

اردوغان, اوشبو صحبتی جریانیده, اسرائیل تروریزمی گه قرشی مقاومت کورستیتگن عیال لر, باله لر, یاش و قری لر دن عبارت برچه فلسطین لیک لر گه اوز سلام لری نی تقدیم ایتیتگن لیگی نی بیلدیردی.