امریکا منطقه نی قان کولی گه ایلنتیرماقچی

آق اوی, امریکا قوشمه ایالت لری دولت رهبری دونالد ترامپ نینگ بوگون بیت المقدس نی اسرائیل نینگ پایتختی اوله راق قبول قیلگن لیگی نی اعلان ایته دیگن لیگی نی بیلدیردی.

بیریلگن بیاناتده, "دولت رهبری ترامپ, تل ابیب ده گی امریکا ایلچی لیگی نینگ بیت المقدس گه انتقال ایتتیریلیشی اوچون بویروق بیره دی" دییه قید ایتیلدی. 

آق اوی نینگ مسئول لری دن بیری, "امریکا بیت المقدس نی اسرائیل نینگ پایتختی اوله راق قبول قیلگن لیگی نی اعلان ایته دی. دولت رهبری ترامپ, تشقی ایش لر وزیرلیگی گه, تل ابیب ده گی امریکا ایلچی لیگی نینگ بیت المقدس گه انتقال ایتتیریلیشی بیلن علاقه لی بویروق بیرگن لیگی نی بیلدیره دی.  بیراق, اوشبو موضوع ایلچی لیک نینگ زود بیلن انتقال ایتتیریله دیگن لیگی معنی سی گه کیلمیدی.  ایلچی لیک نی زود لیک بیلن انتقال ایتتیریش هم ممکن ایمس. تل ابیب ده گی سفارت ده حاضرگی کونده قریب بیر مینگ نفر ایشله ماقده.  اولر نی بیت المقدس گه انتقال ایتتیریش اوچون او ییرده اویغون بیر تعمیر هم موجود ایمس. اویغون بیر جای تاپیش و امنیتی معما لر نی حل ایتیش اوچون هم وقت گه احتیاج بوله دی" دییه قید ایتدی.

عینی دمده اوشبو مسئول کیشی, مذکور قرار نینگ, امریکا نینگ فلسطین بیلن اسرائیل آره سیده گی چیگره و باشقه موضوع لر بوییچه سیاست لریده هر قنده ی بیر اوزگریش معنی سی گه کیلمیدیگن لیگی نی ایسله تیب اوتدی. 

ینه بیر امریکا لیک مسئول کیشی ایسه, ترامپ نینگ, حاضرگی کونده هم ایککی دولت نینگ قوریلیب منطقه ده گی معما نینگ ییچیلیشی بوییچه امیدوار ایکن لیگی نی معلوم قیلدی. خودی منه شوو کیشی, اوشبو قرار نینگ ایککی دولت لیک ییچیم یولی گه هیچ قنده ی توسیق تشکیل ایتمیدیگن لیگی نی ادعا ایتدی. 

ینه بیر امریکا لیک مسئول کیشی, شرقی بیت المقدس ده گی ایریم منطقه لرنینگ حاضرگی کونده هم "اشغال ایتیلگن فلسطین توپراق لری" اوله راق بهالنتیریلیتگن لیگی نی بیلدیردی. 

اوشبو مسئول کیشی, خودی منه شوو بیت المقدس قراری نینگ مذکور حقیقت نینگ اوزگرگن لیگی معنی سی گه کیلمیدیگن لیگی نی ایسله تیب اوتدی. 

امریکا قوشمه ایالتلری رهبریتی نینگ, میلادی 1995 نچی ییلیده گی بیت المقدس ایلچی لیک قانونی گه کوره, اسرائیل پایتختی تل ابیب ده گی ایلچی لیک نینگ بیت المقدس گه انتقال ایتتیریلیشی کیره ک ایدی.  بیراق, اوشبو قانون نینگ تطبیق ایتیلیشی امنیتی سببلر بیلن هرآلتی آیده معطل قیلینیب کیلماقده.