اردوغان مسعود بارزانی گه قتتیق عکس العمل کورستدی

جمهوررئیسی اردوغان عراق نینگ شمالیده گی محللی رهبریت نینگ باشلیغی مسعود بارزانی گه قتتیق عکس العمل کورستدی. 

اردوغان, عراق نینگ شمالیده گی محللی رهبریتی نینگ مستقل لیک بیلن علاقه لی رفراندومی گه تیگیشلی ترکیه نینگ قنده ی عکس العمل کورسه ته دیگن لیگی نینگ خودی منه شوو رفراندومدن 3 کون آلدین بولیب اوته دیگن ترکیه جمهوریتی ملی خوف سیزلیک کینگشی ییغیلیشی آرتیدن ینه ده یخشیراق درک ایتیله دیگن لیگی نی معلوم قیلدی. 

جمهوررئیسی اردوغان, اوشبو رفراندوم قراریدن واز کیچیلمه گن لیگی سببلی ملی خوف سیزلیک کینگشی ییغیلیشی نینگ سپتامبر آیی نینگ 22 نچی کونی گه قدر معطل قیلینگن لیگی نی ایسله تیب اوتدی. 

اردوغان, خودی منه شوو ییغیلیش آرتیدن, ترکیه نینگ رفراندوم بیلن علاقه لی قنده ی عکس العمل کورسه ته دیگن لیگی نینگ بارزانی تامانیدن انیق روشده درک ایتیله دیگن لیگی نی بیلدیردی. 

جمهوررئیسی اردوغان, بارزانی نینگ, ترکیه نینگ رفراندوم بیلن علاقه لی سیاست لری نی جوده یخشی بیلگن لیگی نی معلوم قیلدی. 

اردوغان, "ییل لردن بیری عراق نینگ ارضی تمامیتی توغری سیده گی حساسیتی میز نی جوده یخشی بیله دی.  کرکوک اوزی گه خاص بیر منطقه.  بونی بیلگن حالده منطقه ده اوز باشیمچه ایش لر قیلیشی توغری بیر حرکت دن عبارت ایمس" دییه قید ایتدی. 

اردوغان, منطقه ده گی ترکمن لر و عرب لر گه اهمیت بیرمسدن عراق نینگ ارضی تمامیتی گه ضرر بیره دیگن بیر قدم نینگ تشله نیشی گه, ترکیه نینگ هیچ قچان اجازت بیرمیدیگن لیگی نی ایسله تیب اوتدی. 

عراق نینگ شمالیده گی محللی رهبریت نینگ مجلسی ایسه, سپتامبر آیی نینگ 25 نچی کونیده رفراندوم نینگ بولیب اوتیشی نی قبول قیلدی.