ایران: جمهوررئیسی اردوغان ایران گه تشریف بویوره دی
ایران نینگ یوقاری مرتبه لی بیر مقامی جمهوررئیسی اردوغان نینگ ایران گه تشریف بویوره دیگن لیگی نی بیلدیردی
798011
ایران تشقی ایش لر وزیرلیگی سوزلاوچیسی بهرام قاسمی, ترکیه جمهوریتی جمهوررئیسی رجب طیب اردوغان نینگ یقین کیله جکده تهران گه تشریف بویوریشی نی کوتیتگن لیک لری نی معلوم قیلدی.
قاسمی, "یقین کیله جکده حرمتلی اردوغان نینگ تهران گه سفر قیلیش لری نی کوتماقده میز. اوشبو سفر نینگ جزئیاتی و تاریخی نینگ انیق له شیشی آرتیدن معلومات بیره میز" دییه قید ایتدی.
عینی دمده قاسمی, جمهوررئیسی اردوغان بیلن ایران قوراللی کوچلری قوماندانی جنرال محمد باقری آره سیده انقره ده بولیب اوتگن اوچره شوو نینگ جوده فایده لی بولگن لیگی نی بیلدیررایکن, خودی منه شوو ملاقات نینگ نتیجه سی توغری سیده ایسه انیق بیر معلومات بیرمه دی.
باقری آگست آیی نینگ 15 نچی کونیده انقره گه سفر قیلرایکن, بیر کون کیین ایسه جمهوررئیسی رجب طیب اردوغان تامانیدن قبول قیلینگن ایدی.
