تورکيه بیلن قطر اورته‌ سیده دینگیز آرقه ‌لی ترانسپورت ترماغی یولگه قوییلدی

قطر حکومتیگه تیگیشلی «مِیلاحه» شرکتی تامانیدن بو حقده بیریلگن معلوماتده؛

«قطر بیلن ایزمیر بندری اورته ‌سیده ساووتیش خصوصیتیگه ایگه‌ کانتینیرلر واسطه‌ سیده 5 مینگ تُندن آرتیق یوک تاشیش ترماغی آچیلدی»، دیب ایتیلگن.

تورکيه‌ دن 20 یاکه 25 کونده‌ بیر مرته‌ کیمه‌ یولگه چیقه ‌دی، کیمه‌ نینگ ترانزیت مدتی 11 کون ایکن لیگی بیلدیریلدی.

«مِیلاحه» شرکتی دایریکتری عبدالرحمان عیسی المینائی نینگ ایتیشیچه، بو خدمت فعال، اقتصادي و عملي ییچیم صفتیده یولگه قوییلگن.

اوشبو خدمت بیلن بندرلر ارا علاقه ‌لر مستحکملنه‌ دی و قطرنینگ کورفز دولتلری همده‌ تورکيه بیلن اوز ارا تجارتی نینگ قوله ‌یلشتیریلیشی مقصد قیلینگن.

معلوم که، قطر بیلن تورکيه اورته ‌سیده ‌گی سودا حجمی آخرگی بیر نیچه‌ آی ایچیده آرتیش کورستگن.