ترکیه اسرائیل نی تقبیح قیلدی

ترکیه جمهوریتی تشقی ایش لر وزیرلیگی سوزلاوچیسی حسین مفتی اوغلی, اسرائیل تشقی ایش لر وزیرلیگی سوزلاوچیسی نینگ ترکیه جمهوررئیسی رجب طیب اردوغان نینگ مسجد الاقصی بیلن علاقه لی بیرگن بیاناتی گه تیگیشلی ادب سیز سوزلری نی قاره له گن لیک لری نی بیلدیردی. 

مفتی اوغلی, "حرمتلی جمهوررئیسی میز نینگ مسجد الاقصی بیلن علاقه لی سونگگی ینگی لیک لر گه تیگیشلی سوزلری گه قرشی اسرائیل تشقی ایش لر وزیرلیگی سوزلاوچی سی تامانیدن بیریلگن ادب سیز بیانات لر نی قاره لیمیز" دییه قید ایتدی.

مفتی اوغلی اوز سوز لری نی, "عثمانی دولتی دوریده فلسطینده فرقلی دین و مذهب لر گه منسوب کیشی لر عصر لر دوامیده تینچ یشب عبادت لرینی ایرکین بیر شکلده قیلیب کیلدیلر. اوشبو دایره ده عثمانی دولتی دوریده گی یخشی نیت نی اینگ کوپ موسوی لرنینگ بیلیشی کوتیلماقده.  حاضرگی کونده هم موسوی لر ترکیه جمهوریتی دولتی نینگ حمایه سی بیلن عبادت لری نی ایرکین بیر شکلده قیلماقده" دییه قید ایتدی. 

مسلمان لر اوچون اینگ مقدس اوچینچی جایدن عبارت بولگن مسجد الاقصی نینگ, اسلام عالمی نینگ مهم موضوع لریدن بیری ایکن لیگی نی بیلدیرگن مفتی اوغلی, اوز سوز لری نی, "شرقی بیت المقدس, غربی نوار و غزه ده دوام ایتیتگن اسرائیل اشغالی نینگ 50 نچی ییل لیگیده شرقی بیت المقدس نینگ اشغال آستیده ایکن لیگی حقیقتی نی یاشیریش نینگ اوزی منطقه ده تینچ لیک نینگ اورنه تیلیشی و فلسطین – اسرائیل مسئله سی نینگ ییچیلیشی گه حصه قوشمیدیگن لیگی انیق.  اسرائیل نینگ زودلیک بیلن مسجد الاقصی ده عبادت ایرکین لیگی نی تامین ایتیشی کیره ک" شکلیده دوام ایتتیردی.