"تروریزم نینگ منبعی سعودی عربستان"

ایران تشقی ایش لر وزیری جواد ظریف, میلادی 1998 نچی ییلیدن بیری, خلق ارا مقیاسده گی تروریزم نینگ تقریباً 94 فایزی بوییچه سعودی عربستان نینگ مسئول ایکن لیگی نی بیلدیردی. 

ظریف امریکا قوشمه ایالت لری نینگ PBS چینلی بیلن قیلگن صحبتیده, وهابی لیک نینگ سعودی عربستان نینگ رسمی آیدیولوژی سی دن عبارت ایکن لیگی نی بیلدیررایکن, "سعودی رژیمی پطرول- دالر امکانیت لری بیلن افراطی لیک نی وسعت بیرماقده" دییه قید ایتدی.

ظریف, میلادی 2001 نچی ییلی سپتامبر آیی نینگ 11 نچی کونیده امریکا ده اویوشتیریلگن تروریستیک هجوم نینگ هم وهابی لیک دن منشا آلگن افراطی حرکت دن عبارت ایکن لیگی نی ادعا ایترایکن, دنیا ده تروریزم خودی منه شوو آیدیولوژی گه ایگه کیشی لر تامانیدن آرتیریلگن لیگی نی ادعا قیلدی. 

عینی دمده ظریف, امریکا اوچون ایسه قیسی اولکه نینگ تروریزم نی حمایه لیتگن لیگی نینگ مهم ایمس لیگی نی معلوم قیلرایکن, واشنگتن اوچون مهم بولگن نرسه نینگ سلاح ساتیش دن عبارت ایکن لیگی نی بیلدیردی. 

امریکا قوشمه ایالتلری دولت رهبری دونالد ترامپ نینگ می آییده سعودی عربستان گه قیلگن سفری باره سیده هم بحث ایتگن ظریف, "سلاح ساتیش کیلیشووی تیارلنمسدن ترامپ نینگ سعودی عربستان گه سفر قیلیش ممکن ایمس ایدی" دییه قید ایتدی. 

ترامپ نینگ سعودی عربستان گه قیلگن سفری جریانیده, ایککی اولکه آره سیده 110 میلیارد دالر لیک سلاح ساتیش کیلیشووی امضالنگن ایدی.