روسیه امریکا گه قتتیق بیر شکلده عکس العمل کورستدی

روسیه, سوریه ده گی وضعیت بیلن علاقه لی امریکا گه قتتیق بیر شکلده عکس العمل کورستدی. 

روسیه تشقی ایشلر وزیری نینگ اورینباسری گینادی گاتیلوف, امریکا قوشمه ایالتلری طیاره لری نینگ سوریه نینگ جنوبیده سوریه رژیمی تامانیدن حمایه له نیتگن کوچ لرنینگ قطاری نی اورگن لیگی گه قرشی قتتیق عکس العمل کورستدی. 

گاتیلوف, "سوریه نینگ ارضی تمامیتی نینگ اخلالی ماهیتیده گی اوشبو وضعیت سیاسی پروسه گه ضد بیر آدیم دن عبارت" دییه قید ایتدی. 

سوریه ده بحران لرنینگ آرتیب کیتیشی گه سبب بوله دیگن هر قنده ی بیر حربی فعالیت نینگ, سیاسی پروسه گه تاثیر قالدیره دیگن لیگی نی بیلدیرگن گاتیلوف, اوز سوز لری نی, "حاضرگی کونده سوریه ده اینگ مهم موضوع آستانه ییغیلیشی دایره سیده تامین ایتیلگن کیلیشوو نینگ تطبیق ایتیلیشی دن عبارت.  خودی منه شوو کیلیشوو نینگ اوزی سوریه مسئله سی نینگ سیاسی یول لر بیلن ییچیلیشی گه حصه قوشه دی" شکلیده دوام ایتتیردی. 

امریکا قوشمه ایالتلری ایتکچی لیگی ده گی داعش گه قرشی ائتلاف تامانیدن بیریلگن بیاناتده, امریکا طیاره لری نینگ سوریه نینگ جنوبیده سوریه رژیمی حمایه سی آستیده گی کوچ لرنینگ قطاری نی اورگن لیگی بیلدیریلگن ایدی.