اردون مصر و فلسطین نماینده لری اورته شرق مسئله سی اوچون ییغیلدیلر

اردون، مصر و فلسطین لیک وکیللر، اورته شرق مسئله سی اوچون، اردون‌ نینگ پایتختی عمانده ییغیلدیر.

ییغیلیشده مصر تشقی ایشلر وزیری سمیع شکری، اردون تشقی ایشلر وزیری ایمن الصافی و فلسطین آزادلیک تشکیلاتی باش منشیسی صائب عریقات قتنشدی.

مصر تشقی ایشلر وزیری بیرگن بیاناتیده، ییغیلیشده فلسطین-اسرائیل تینچ لیک جریانینی قوللب-قوّتلش یوللری محاکمه‌ قیلینگنینی تأکید له‌ دی.

بیاناتده، امریکا قوشمه ایالتلری جمهور رئیسی دونالد ترامپ نینگ میلادی جاری آیی جریانیده منطقه نی زیارت قیلیشیدن اوّل اوچ تامانلی بیر ‌ ائتلاف وجود گه کیلتیریش آماج لنگنی افاده‌ ایتیلدی.

ییغیلیشده شونینگدیک اسرائیل قماقخانه ‌لریده آچلیک نمایشی اویوشتیرگن فلسطین لیک محکوملر مسئله سی هم محاکمه‌ قیلینر ایکن، اسرائیل نینگ محکوملر نینگ انساني و عدالتی طلب لریگه جواب بیریشی کیره‌ ک لیگی گه دقّت قره‌ تدی.