امریکا سوریه ده گی بیر عسکری قونلغه گه هجوم اویوشتیردی

امریکا سوریه ده گی بیر عسکری قونلغه گه هجوم اویوشتیردی

امریکا قوشمه ایالتلری سوریه نینگ حمص شهریده گی شریعت عسکری قونلغه نی 59 عدد راکت بیلن آماج قرار بیرگن لیگی بیلدیریلدی. مذکور قونلغه ده گی حرب اوچاقلر، پیست، تیل دیپولری بیلن قونلغه ده گی بنالرنینگ آماج قرار بیریلگن لیگی قید ایتیلدی.

بو عملیات بیلن تیگیشلی امریکا قوشمه ایالتلری دولت باشلیغی دونالد ترامپ، اسد حکومتی نینگ کمیاوی قورال استفاده قیلگن لیگی بیلن علاقه لی شبهه نینگ موجود ایمس ایکن لیگینی بیان ایتدی.

ترامپ اورولگن قونلغه ده کمیاوی قوراللرنینگ موجود ایکن لیگینی و سوریه حکومتی نینگ خلق ارا کیمیاوی قورال کیلیشووینی انچه اخلال قیلگن لیگی اوچون بو هجوم نی عملگه آشیرگن لیکلرینی معلوم قیلدی.

اسد حکومتی نینگ ادلب ده معصوم باله لرگه رحم قیلمه گن لیگینی ایسلتیب، بو کیمیاوی هجوم عملگه آشیریلگن عسکری قونلغه نی آماج قرار بیرگن عملیات امرینی شخصً اوزی نینگ بیرگن لیگینی اورغوله دی.

امریکا قوشمه ایالتلری تشقی ایشلر وزیری ریکس تیلرسین عملیاتدن آلدین روسیه داخل بعضی بیر متفق لرگه معلومات بیریلگن لیگینی معلوم قیلدی. پنتاگون ایککینچی بیر امرگچه عملیات نینگ توخته تیلگن لیگینی اعلان قیلدی.

باش وزیر اورین باسری نعمان قورتولموش، عسکری مرکزنینگ آماج قرار بیریلگن لیگی نینگ مثبت بیر آدیم ایکن لیگینی بیلدیردی.

قورتولموش، امریکانینگ بو عملیاتی نینگ تینچ لیک پروسه سیگه حصه قوشیشینی امید قیلگن لیگینی معلوم قیلیب، اسد حکومتی اوز خلقی گه ضرر بیرمه یاتگن وضعیت گه کیلگونچه بیرلشگن ملتلر تشکیلاتی تحریم عملی قیلیشی کیره ک، دیدی.

اسرائیل باش وزیری بنیامین نتنیاهو، سوریه حکومتی نی کیمیاوی قوراللر توغریسیده جوده قتتیق بیر شکلده آگاهلنتیرگن ترامپ نینگ بو عملیاتینی حمایه قیلگن لیگینی بیان ایتدی.

روسیه ایسه بیرلشگن ملتلر تشکیلاتی خوفسیزلیک شوراسی نی اضراری جلسه گه دعوت قیلدی.

ایران ایسه مذکور هجوم نی محکوم ایتدی.