ترکیه ده ترور تشکیلاتی داعش نینگ کتته قوماندانی و جلادی اوشلندی
داعش رهبریتیده اورین آلگن لیگی تثبیت ایتیلگن سوریه لیک تروریست صفوان قهواتی, ترکیه ده عیالی بیلن بیرگه سفر قیلیتگن پیتده اوشلندی
داعش رهبریتیده اورین آلگن لیگی تثبیت ایتیلگن سوریه لیک تروریست صفوان قهواتی, ترکیه ده عیالی بیلن بیرگه سفر قیلیتگن پیتده اوشلندی.
اوشبو تروریست نینگ مارچ آیی نینگ 15 نچی کونیده ترکیه گه کیرگن لیگی بیلدیریلدی.
ترک پولیسی قهواتی نینگ استانبول آرقه لی عیالی بیلن بیرگه اوروپا گه اوتیش گه حرکت ایتگن لیگی نی معلوم قیلدی.
قهواتی نینگ اوزی اوشله نرایکن, عیالی ایسه ترکیه دن چیقاریلیب یوباریلدی.
قهواتی نینگ تلاشی قیلینیشی نتیجه سیده تاپیلگن دیجیتال مواد ده اوشبو تروریست نینگ فرقلی جایلرده قولیده سلاح بولگن حالده آلینگن عکس لری تاپیلدی.
باشقه بیر عکسده ایسه اوشبو تروریست قولیده گی پیچاق بیلن بیر کیشی نی سویش گه حرکت ایتیتگن پیتده کورینماقده.
داعش گه قوشیلگن اوروپا لیک لر گه سلاح و بمب بوییچه تعلیم بیریتگن لیگی ادعا ایتیلگن خودی منه شوو تروریست نینگ, فبروری آیی نینگ 10 نچی کونیده ترکیه نینگ آدانا ولایتیده اوشلنگن ترور تشکیلاتی داعش نینگ رهبریتیده اورین آلگن لبنان لیک دنمارک تبعه سی محمد لبان و عراق لیک سویدن تابعیتی گه ایگه محمد توفیق صالح بیلن ارتباطی بولگن لیگی تثبیت ایتیلدی.
قهواتی عدلی تیکشیرو لری نینگ تکمیل بولیشی آرتیدن حبس گه آلیندی.
