بشار اسد بیلن داعش آره سیده گی همارلیک بیرلشگن ملتلر تشکیلاتی نینگ نماینده سیگه تقدیم ایتیلگن

بشار اسد بیلن داعش آره سیده بولگن همارلیک راپوری بیرلشگن ملتلر تشکیلاتی نینگ نماینده سیگه تقدیم ایتیلگن

سوریه لیک مخالف لر، بشار اسد رژیمی و ترور تشکیلاتی داعش آره سیده گی همکارلیک دلیلی نینگ بیرلشگن ملتلر تشکیلاتی سوریه خاص نماینده سی استافن دی میستوراگه تقدیم ایتگن لیکلرینی بیلدیردی.سیویس نینگ ژنیو شهریده گی مذاکره نینگ 5 نچی کونیده مخاف هیأت نینگ، دی میستورانینگ تکلیف لریگه قرشی تکلیف بیلن جواب بیرگن لیکلری معلوم قیلیندی.

مخالفلر، میستورانینگ مؤقتی اداره، اساسی قانون و سیلاو جریانی موضوعلرینی عین پیتده قولگه آلیش تکلیفی گه "اولاً مؤقتی اداره توغریسیده ایلگری باریش کیره ک، صمیمیت سیزیلگنده باشقه لرینی قولگه آلیش کیره ک" دیگن جوابنی بیرگن.

مخالف کوچلر عین دمده مسکو و قاهره اداره لری بیلن مناسبتی بولگن بیراق اوزلرینی "مخالف" دیب اته گن گروپ لرنینگ وضعیتی نینگ انیق لشتیریلشینی سوره گن.

میستورا وضعیت نی تیکشیریب چیقیش اوچون مخالف لردن فرصت بیریش لرینی طلب ایتگن.

ژنیوده گی اوچره شوولرگه اساسی "مخالف گروپ" آتی بیلن اشتراک ایتگن یوکسک مذاکره کمیته سی باشلیغی ناصر الحریری هم، روسیه هیأتی بیلن اوچره شرلیکلرینی معلوم قیلیب، روسیه دن اسد حکومتی گه فشار کیلتیریشینی طلب قیلرلیکلرینی بیان ایتدی.

الحریری "حکومت هیأتی موقتی سیاست نینگ اورنیده ترورگه قرشی کوره ش اوچون تأکیید قیلسه نیمه بوله دی" دیگن سوال گه "حکومت، آزاد سوریه اردوسی نینگ ترور تشکیلاتی داعش گه قرشی اوروش قیلیشی گه مانع بولیش اوچون آره منطقه ایجاد ایتماقده. آزاد سوریه اردوسی نینگ داعش گه قره ته موفقیت قولگه کیریتیشینی خواهله مه یدی." دیب، جواب بیردی.

الحریری، حکومت بیلن داعش آره سیده همکارلیک بولگن لیگی بیلن علاقه لی قول لریده دلیل موجود ایکن لیگینی تأکییدلب، بو دلیل لرنی میستورا گه تقدیم ایتگن لیکلرینی بیلدیردی.

تناون کون ایرته لب، آزاد سوریه اردوسی کنترولیده گی الباب نینگ جنوب – شرق تامانیدن ایلگری بارگن حکومت کوچلری، منبیچ نینگ جنوب – شرق تامانیده گی جدائی طلب ترور تشکیلاتی PYD/PKK منطقه سیگه بارگن ایدی.

شونده ی قیلیب، سوریه نینگ شمال تامانی نینگ ترور جنگری لری نینگ قولیدن تمیزلنیشی اوچون 24 اگست تاریخیده باشلنگن فرات قالقانی حرکاتی چوکاتیده الباب ده جایلشگن آزاد سوریه اردوسی نینگ ایلگریسی شمال تامان ده گی رقه ده کیسیلگن بولدی.

حکومت کوچلری، داعش بیلن آزاد سوریه آره سیده "آره منطقه" ایجاد ایتیب، ترورچیلرگه آزاد سوریه گه قرشی ممانعت ایجاد ایتگن بوله دی.