اسرائیل نینگ رسوا لیگی

اسرائیل, اوروپا پارلمانی نینگ بیش کیشی لیک هیئتی نینگ غزه گه باریشی گه اجازت بیرمه دی.

اوروپا پارلمانی نینگ فلسطین بیلن مناسبتلر هیئتی نینگ باشلیغی و قبرس روم قسمی پارلمنتری نیوکلیس سیلیکیوتیس, اسرائیل نینگ اوشبو قراری نینگ, اوز باشیمچه و قبول ایتیله آلمیدیگن بیر قرار دن عبارت ایکن لیگی نی بیلدیردی. 

سیلیکیوتیس, غزه گه باریش نینگ سیستماتیک بیر شکلده توسیق له نیتگن لیگی نی قاره لرایکن, "او ییرده بیز لر دن یاشیریله دیگن نیمه نرسه بار؟" شکلیده سئوال بیردی. 

سیلیکیوتیس, خلق ارا جامعه نینگ غزه محاصره سی نی اداغگه ییتیشتیریشی اوچون اسرائیل گه باسیم قیلیشی کیره ک ایکن لیگی نی بیلدیردی. 

سیلیکیوتیس, بیرگن بیاناتلریده, اوروپا لیک پارلمنتر لرنینگ غزه گه باریش لری نینگ میلادی 2011 نچی ییلیدن بیری اسرائیل تامانیدن توسیق له نیب کیلیتگن لیگی نی ایسله تیب اوتدی. 

اوروپا پارلمانی نینگ فلسطین بیلن مناسبتلر هیئتی نینگ باشلیغی نینگ اورینباسر لری دن بیری بولگن دنمارک لیک پارلمنتر مارگریت اوکین هم تویتر آرقه لی بیرگن بیاناتلریده, "اسرائیل ینه بیر اوروپا پارلمانی هیئتی نینگ غزه گه باریشی گه اجازت بیرمه دی. بو بیر رسوالیک دن عبارت" دییه قید ایتدی. 

اسرائیل مدافعه وزیرلیگی نینگ غزه گه کیریش لر بوییچه مسئول شعبه سی ایسه, اسرائیل سیاست لری گه کوره, غزه نینگ رواجله نیشی گه حصه قوشه دیگن اقتصاد و زیربنا ساحه سیده فعالیت آلیب باریتگن کیشی لر, بشری یاردم مسئول لری و فلسطین رهبریتی مقام لری یاکه اسرائیلده وظیفه اجرا قیلیتگن دیپلمات لرنینگ غزه گه باریش لری نینگ ممکن ایکن لیگی نی ادعا قیلدی.