ژنوده سوریه اوچون 4 نچی اوچره شوو باشلنه دی
سوریه ده 6 ییلدن بیری ایچکی اوروش دوام ایتماقده
ژنوده سوریه اوچون 4 نچی اوچره شوو باشلنه دی
10 آی کیین بولیب اوته دیگن اوچره شوونینگ اساسی موضوعسی آتش کیس و ینگی اساسی قانون دن عبارت دیر.
سوریه ده 6 ییلدن بیری دوام ایتیب تورگن ایچکی اوروش نی حل قیلیش مقصدی بیلن تامانلر بیرلشگن ملتلر تشکیلاتی نینگ نظارتی آستیده ژنوده اوچره شه دیلر.
اوچره شوو اوچون ژنوگه بارگن مخالف هیأتی، اسد حکومتی بیلن مستقیم تماس قوریش و مذاکره لرده اورین آلیشنی طلب ایتگن.
سوریه مخالف لری نینگ سوزلاوچیسی سلیم المصلت "عام تام صلاحیتی بولگن موقتی اداره نی گپلشیش اوچون کیلدیک. بو مرحله نینگ بوندن آلدین بولیب اوتگن ژنو اوچره شوولری کبی بولیشینی خواهله مه ی میز. بو بار مستقیم اوچره شیش و مذاکره طلب ایتماقده میز" دیب، ایتدی.
بیرلشگن ملتلر سوریه خاص نماینده سی استافن دی میستورا هم اوچره شوولردن آلدین بیرگن بیاناتیده کیلیشوو اوچون "معقول و عاجل بیر حرکت" کوتماقده من. سوریه لیکلرگه سیاسی مسئله لرینی مذاکره ایتیش لری اوچون ایککینچی بیر چانس بیریش قرارینی بیرگن میز." دیدی.
ترکیه و روسیه رهبرلیک قیلگن آستانه جریانی نینگ آتش کیسنی بویوک مقدارده برقرار قیلگن میستورا، آستانه اوچره شوولری نینگ ژنوده بولیب اوته دیگن سیاسی جریانگه همکارلیک قیلگن لیگینی اورغوله دی.
میستورا، روسیه نینگ اسد حکومتیدن اوچره شوولر بوییچه هوائی هجوملرینی توخته تیشینی سوره گن لیگینی هم ایتدی.
