سوریه بحرانی و آستانه جلسه سی

سوریه بحرانی و آستانه جلسه سی

ترکیه، روسیه فدراسیونی و ایران نینگ ضامن لیگی بیلن قزاقستان نینگ پایتختی آستانه ده آلیب باریلگن سوریه تینچ لیک اوچره شوولری عموماً مثبت معناده اوز نهایه سیگه ییتیب باردی. بیز هم بو هفته پروگرامده آستانه اوچره شوولرینی و سوریه بحرانی گه قیلگن انعکاسینی تیکشیریب چیقه میز.

آتاترک عالی بیلیم یورتی خلق ارا علاقه لر بولیمی اسیستانتی جمیل دوغاچ ایپک نینگ یازووینی تقدیم ایته میز...

آستانه ده ترکیه، روسیه فدراسیونی و ایران نینگ ضامن لیگی بیلن میلادی 2017 – ییل 23 نچی جنوریده باشله گن سوریه تینچ لیک اوچره شوولری 24 – جنوریده مثبت معناده اوز نهایه سیگه ییتیب باردی. بو جلسه نینگ اوچ ضامن اولکه تشقی ایشلر وزیرلری 2016 – ییل 20 نچی دسامبر تاریخیده مسکوده اویوشتیرگن مشترک مطبوعاتی کنفرانس نینگ نتیجه سیده ریجه لنگن لیگینی ایتیش ممکن. آستانه اوچره شوولری در اصل جمهور رئیس رجب طیب ایردوغان بیلن روسیه دولت باشلیغی ویلادیمیر پوتین نینگ مناسبتی نینگ نورمالشیشی ادراده سی نینگ انیق نتیجه سی و موفقیتی دیر. آتش کیس نینگ کیلجگی و سیاسی جریانگه اینه لیشی توغریسیده هم ایردوغان و پوتین نینگ اراده و قاطعانه لیگی گه ضرورت باردیر.

در حقیقت آستانه اوچره شوولریدن توقع اونچه لیک کوپ ایمس ایدی. آستانه اوچره شوولری نینگ آماجی 2016 نچی ییل 30- دسامبرده اعلان قیلینگن آتش کیس نی دائیمی قیلیش و بونینگ دوامی اوچون اوچ اولکه نینگ ضامن لیگیده میکانیزم نینگ ایجاد ایتیلیشینی تأمین ایتیش دیر. ضامن اوچ اولکه نینگ سوریه بحرانیده اینگ تأثیرلی اوچ اولکه بولگن لیگی باعث آستانه اوچره شوولری و آتش کیس نینگ اوتمیش ده بولگن ایریم اوچره شوو و آتش کیس لرگه کوره چانسی کوپراق دیر.

آستانه ده حل یولی قیین بولگن مسئله لرگه هیچ تماس قیلینمه دی. یالغیزگینه سیاسی حل یول نینگ شرط لرینی تعیین ایتووچی آتش کیس گه اهمیت بیریلدی. داعش، نصرا جبهه سی آتش کیس نینگ چوکاتیگه آلینمه دی. ترکیه نینگ ایستگی بیلن ترور تشکیلاتی پی کاکانینگ سوریه ده گی اورتاغی بولگن پی وای دی – وای پی جی هم آستانه جریانیگه کیریتیلمه دیلر. آستانه ده سوریه ترکمن لریدن سوریه ترکمن مجلسی نینگ عسکری بولیمی نماینده لیک قیلدی.  

سوریه اوچون تینچ لیک اوچره شوولری اوچون هنوز مسئله نینگ ابتدائی سی دیر. جریان نینگ کیلگوسی مرحله لری اوچون اولاً اوچره شوولرنینگ موضوعسی انیقلشیشی کیره ک. موضوع هنوز معلوم ایمس کبی کوریلماقده. آتش کیس نینگ هر تامانلمه عملی بولیشی و تیکشیریلیشی اوچون ترکیه، روسیه و ایران تامانیدن بیر میکانیزم ایجاد ایتیلدی. بو میکانیزم آتش کیس نینگ یخشی بیر شکلده دوام ایتیشی اوچون جوده مهم دیر. کیلگوسی کونلرده سیاسی موضوع لرگه تماس ایتمسدن آلدین بعضی بیر نیرسه لرنی عملی قیلینیشی کیره ک. همه تامان آتش کیس نینگ شرایط لرینی جایی کیلتیریشی کیره ک. محاصره آستیده گی جمعیت لرگه انسانی یاردم آلیب باریلیشی گه رخصت بیریلیشی کیره ک. سیاسی محکوم لرنینگ آزاد ایتیلیشی کیره ک دیر.

ضامن اولکه لر کیلگوسی جریانده PKK/PYD/YPG نی داعش و نصرا جبهه سینی ایریم گروپ لردن اجره تیشی کیره ک. بولر آستانه ده هم یوق ایدی. اوچ اولکه آره سیده گی کیلیشووگه کوره پی کاکا و وای پی جی نینگ سوریه نینگ شمال تامانیده گی "خودمختار" دموکراتیک  فدراسیون کبی طلب لریگه امکان بیرمه یدی.

سوریه دموکراتیک کوچلری نینگ تقریباً 90 فایزی وای پی جی  دن عبارت ایکن لیگینی همه بیله دی. وای پی جی انچه کوپ انسان حقلری اخلال لریگه قول اورگن. عین دمده رقه ده گی ترکمن، سنی، عرب و بویروغینی قبول قیلمه گن کوردلر گه قره ته اویوشتیرگن هجوملری باعث یوز مینگ لب کیشی کوچ قیلیش گه مجبور بولیب قالگن. بناً PYD-YPG  نینگ عاجل اوله راق فراد نینگ شرق تامانیگه قره ب کیتیشی کیره ک.

وای پی جی نینگ خلق ارا جزا محکمه سی و  ژنو کیلیشوویده بولگن انسان حقلری اخلال لریگه قول اورگن لیگی باعث خلق ارا جمعیت نینگ سیس چیقریشی کیره ک.

بونقطه گه خلق ارا حقوق نقطه نظریدن قره ش گه فایده بار. موضوع بیلن تیگیشلی بولگن میلادی 1921 – ییل ده گی انقره، 1923 – ییل ده گی لوزان و 1939 – ییل ده گی ترکیه – فرانسه کیلیشوولریده سوریه ده ترکمنلرگه قره ته هیچ بیر اورین مد نظر آلینمه گن. بو وضعیت مذکور دوره نینگ اقلیت توشونچه سی نینگ دینی نگاه دن قره لگن لیگی و سوریه ترکمن لری نینگ هم کوپراغی نینگ مسلمان بیر اولکه نینگ حدودی ایچیده بولگن لیگی بیلن تیگیشلی دیر. بناً سوریه ترکمن لری خودی شو پیله سوریه ترکمن لری مستقیماً ایریم بیل جایگاه گه ایگه ایمس دیر

سوریه ترکمن لری بیلن علاقه لی آتیله دیگن برچه آدیم لرنینگ اوزاق مدتلی فایده قولگه کیریتیشی حقوقی جایگاه نینگ قولگه کیریتیلیشی گه باغلیغ دیر. حقوقی جایگاه توغریسیده 2014 نچی ییل اوکراین ده قیریم تاتار ترکلری نینگ قانونی حقلری اوله راق قولگه کیریتگن "بومی خلق جایگاه سی" مثال تشکیل ایتیشی ممکن. یینه ایریم مثال اوچون سربیانینگ ایچیده خود مختار منطقه کوزوا نینگ جایگاه سی، غربی تراکیاده گی ترکلرنینگ جایگاه سی و ترکیه ده گی غیر مسلم لرنینگ جایگاهینی تیکیشیریش ممکن.

نتیجه ده آستانه اوچره شوولری سوریه ده بحران نینگ نهائی بولیشی اوچون آتیلگن کیچیک بیراق موفق بیر آدیم بولدی. لیکن آستانه اوچره شوولری نینگ آرتیدن سیاسی حل یول نینگ یقین ایکن لیگینی ایتیش ممکن ایمس. چونکه بو تامانلر آره سیده بحران عنوانلری مذاکره لر جریانیده مطرح بوله دی.