ترکیه نینگ سوریه ده ترور چیلیک که قرشی کوره شی

ترکیه نینگ سوریه ده ترور چیلیک که قرشی کوره شی

فرات قالقانی حرکاتی

ترکیه جمهوریتی سوریه نی مرکز قیلیب آلگن ایککی ترور تشکیلاتی داعش و PKK/YPG گه قرشی مجادله قیلیش اوچون آزاد سوریه اردوسی بیلن بیرگه لیکده فرات قاتلقانی حرکاتی عملیاتینی آلیب بارماقده دیر. بیز هم بو عملیاتنی تحلیل قیلیب چیقه میز.

آتاترک عالی بیلیم یورتی خلق ارا علاقه لر بولیمی اسیستانت لریدن جمیل دوغاچ ایپک نینگ یازووینی تقدیم ایته میز...

ترکیه نینگ سوریه بحرانیده اوچ تهدید موجود دیر. ترور تشکیلاتلری داعش، پی کاکا و اوز خلقی گه ظلم قیلیب تورگن اسد حکومتی دیر. ترکیه نینگ سونگی پیتلرده شمالی سوریه ده گی بیرنچی هدفی گه اوزگریش کیلدی و اولویت پی کاکا بیلن داعش گه بیریلدی. بناً ترکیه جمهوریتی سوریه نی مرکز قیلیب آلگن ترور تشکیلاتلری داعش و PKK/YPG  گه قره ته مجادله قیلیش اوچون آزاد سوریه اردوسی بیلن بیرگه لیکده میلادی 2016- ییل 24 – اگست ده فرات قالقانی عملیاتی باشلندی. ترکیه تامانیدن سوریه ده باشله تیلگن فرات قالقانی عملیاتی نینگ ایلک مرحله سی حدود گذرگاهی نینگ داعش دن تمیزلنیشی ایدی.

فرات قالقانی عملیاتی چوکاتیده چوبان بای – جرابلس گذرگاهی اون کون جریانیده؛ داعش اوچون جودهمهم بولگن دابق هم بیر کونده ترکیه قوراللی کوچلری حمایه سی بیلن آزاد سوریه اردوسی تامانیدن قولگه کیریتیلدی. بو سرعتلی آلغه باریش بیلن خلق نینگ الباب اوچون امیدوارلیگی آرتیب کیتدی. بیراق الباب آسان ایمس ایدی. الباب حلب نینگ شمالیده بیر اولوسوال لیک دیر و نفوسی چوبان بای، دابق . جرابلس گه قره گنده انچه کوپ دیر. ترکیه قوراللی کوچلری و آزاد سوریه اردوسی الباب نی 6 نقطه دن محاصره قیلگن بیراق استراتیژیک ترجیح باعث قصبه نینگ همه تامانینی محاصره قیلمه دیلر. قاره قیش شرایطی و شهرنینگ ایچیده گی خلق نینگ ضرر کورمس لیگی مقصدی بیلن جوده دقت لی بیر شکلده ایلگری بارماقده لر. الباب نینگ ایچیده تقریباً 300 کیشی داعش اعضاسی خودکش هجومچی بولگن لیگی تخمین قیلینماقده. عیندمده داعش ملکی اهالینی زوروان لیک بیلن خودکش هجوم ایتیب استفاده قیلماقده. داعش تجربه لی ایسکی قومندان و استخبارات اعضاسی دگروال تاجکستان لیک عمرنی عسکری قومندان تعیین ایتیب تنلدی. ترک دشمنلیگی بیلن تنیلگن شمالی عراق لیک دین عالمی ابو عبدالله کوردی نی الباب ده محکمه لر باشلیغی ایتیب تعیین قیلدی. داعش نینگ رهبری البغدادی بیر آی آلدین الباب نینگ اینگ بای عائله لریدن ماریه آتیده گی بین عیال بیلن اویلندی و الباب ده گی داعش جنگری لرینی عقاریبی اوله راق اعلان قیلدی. عین دمده شو پیله داعش، PKK/YPG گه قره ته بیر گن مجادله سی نینگ 10 قاتینی بیرماقده دیر. داعش نینگ برچه جبهه لریده امریکا قوشمه ایالتلری باشقرووچیلیگیده گی خلق ارا ائتلاف، اسد حکومتی مجادله نی توختتگن لیگی اوچون داعش الباب ده گی کوچلرینی تقویه قیلیش گه فرصت تاپدی. شو پیله داعش گه قرشی مجادله آلیب باریلگن یگانه جای الباب دیر، مجاله قیلیب تورگن اولکه ترکیه جمهوریتی دیر.

ترکیه الباب حمله سی بیلن هم داعش گه کتته ضربه وارد قیلیش همده شمالی سوریه ده بیر پی کاکا گذرگاهی ایجاد ایتیلیشی گه مانع بولماقده. الباب شهری شمالی سوریه ده ایجاد ایتیلیشی ریجه لنگن خوفسیز منطقه اوچون هم استراتیژیک اهمیت گه ایگه دیر. ترکیه، فرات قالقانی بیلن امریکا تمانیدن اولویت گه قرار بیریلگن داعش گه قرشی موفقیت قولگه کیریتماقده بیراق امریکا قوشمه ایالتلری بو عملیات لردن ممنون بولمه گن لیگی کوریلماقده. بونینگ آرقه سیده امریکا قوشمه ایالتلری نینگ شمالی سوریه ده PKK/YPG قولی بیلن اوز کنترولی آستیده بیر منطقه ایجاد ایتماقچی بولگن لیگی هم بار. اوباما اداره سی نینگ ایلک ترجیح سی داعش نی YPG قولی بیلن تمیزلش و تماماً اوزیگه خاص بیر نفوس ساحه سی یره تیش دیر. بیراق ترکیه نینگ ساحه گه کیریشی، موفقیتی و ترمپ اداره سی نینگ ایش گه باشله گن لیگی بیلن امریکا قوشمه ایالتلریده بیر سیاست اوزگریشی یوز بیریشی ممکن.

داعش سونگی مرحله ده سوریه نینگ شمالیده، ترکیه جمهوریتی و متفق لریگه قرشی جدی بیر ضربه آلیب تورگن. الباب شهری قولیدن کیتگنده احتمالاً خنثی بوله دی. بو وضعیتده داعش نینگ قولیده گی ایریم منطقه لر اوچون ترکیه همکارلیگی بیلن مخالفلر و ترور تشکیلاتی PKK/YPG و اسد حکومتی آره سیده جدی بیر مجادله گه باعث بولیشی ممکن.

YPG نینگ ترور تشکیلاتی پی کاکانینگ سوریه ده گی بولیمی بولگن لیگینی همه بیله دی. سوریه دموکراتیک کوچلری نینگ تقریباً 90 فایزینی YPG دن عبارت بولگن لیگینی هم همه بیله دی. YPG نینگ انسان حقلری اخلال لری توغریسیده گی دوسیه سی انچه کوپه ییب کیتگن. YPG نینگ رقه شهری نینگ شمالی ده گی تل ابیادده (ترکمن، سنی عرب و اوزیگه تسلیم بولمه گن کورد مسکونی منطقه لریگه) هجوم اویوشتیرگن لیگی باعث یوز مینگ لب انسان کوچیب کیتیش گه مجبور بولگن. خودی شو اوچون PYD-YPG نینگ تیزلیکده فرات نینگ شرق تامانیگه کیتیشی ضرور. فرات نینگ شرق تامانیده هم اوزاق مدت لیک قالیشیگه مانع بولیش لیک مجبوری دیر. YPG نینگ خلق ارا جزا محکمه سی و ژینو کیلیشوویده ملکی جمعیت نینگ حق لری بیلن علاقه لی ماده لرنی اخلال قیلگن سویه ده جزم قیلگن لیگی گه خلق ارا جمعیت ایندی سیسینی چیقریشی کیره ک.

ترکیه جمهوریتی اوزاق مدت دن بیری منطقه ده سوریه مرکزی بولگن جدی بیر باش کوتاریش گه قرشی دوچ کیلیب قالگن. ترکیه نینگ بو باش کوتاریش حادثه سیگه قرشی باشقه بیر نظم کیلتیرووچی حمله بیلن جواب بیریشی ضرور ایدی. ترکیه فرات قالقانی حمله سی بیلن مهم بیر حمله قیلگن بولدی. فتو/ PYDنینگ (فتح الله چی ترور تشکیلاتی موازی دولت ساختاری) کودتا تشبثی نینگ آرتیدن ترکیه نینگ بو درجه حدوددن تشقری حمله قیلیشی ترکیه نینگ کوچینی اثبات قیلماقده دیر.