ترکیه بیلن روسیه سوریه ده مشترک عملیات اویوشتیردیلر
داعش آدرسلری اورولدی
ترکیه بیلن روسیه سوریه ده مشترک عملیات اویوشتیردیلر
ترک قوراللی کوچلری بیلن روسیه قوراللی کوچلری سوریه ده ترور تشکیلاتی داعش گه قره ته مشترکاً عملیات اویوشتیرگن لیکلرینی قبول ایتدیلر.
ترکیه قوراللی کوچلری تامانیدن بیریلگن معلوماتده، روس اداره چیلر بیلن ایجاد ایتیلگن کوردیناسیون نتیجه سیده، روس هوائی کوچلریگه باغلیغ حربی اوچاقلر الباب نینگ جنوب تامانیده جایلشگن داعش نینگ هدفلرینی آماج قرار بیرگن لیگینی قید ایتدی.
حرکات ترکیه بیلن روسیه آره سیده سوریه اوستیده گی پروازلرنینگ کوردیناسیونی اوچون اوتگن هفته قول قوییلگن کیلیشووگه بناً ایلک بار عملی بولدی.
باشقه بیر تاماندن ترکیه نینگ الباب حرکاتی گه همکارلیک قیلمه گن لیگی بیلن نتقید ایتیلگن خلق ارا ائتلاف کوچلری اوزاق مدتدن بیری ایلک بار حرکتگه اوتدی.
انگلستان نینگ ایککی فروند تورنادو حربی اوچاغی الباب نینگ یقینیده گی بزاغا منطقه سیگه هوائی هجوم اویوشتیرگن لیگی بیلدیریلدی. انگلستان اوچاقلری ترک اداره چیلرنینگ رهنماسیگه بناً هدفلرنی اورگنلیگی بیلدیریلدی.
امریکا قوشمه ایالتلریگه باغلیغ قوراللی انسانسیز اوچاقلر هم داعش گه نینگ 4 آدرسینی آماج قرار بیرگن لیگی معلوم قیلیندی.
