سوریه ده اوروشلر توخته تیلدی

سوریه ده اوروشیتگن تامان لر آره سیده امضالنگن آتش بس کیلیشووی تطبیق ایتیله باشلندی.  

ترکیه بیلن روسیه فدراسیونی نینگ گرنتی ایتووچی اولکه لردن بولگن اوشبو آتش بس محللی ساعت بیلن کیچه ساعت ۱۲ ده (افغانستان وقتی بیلن کیچه ساعت ۲ دن ۳۰ دقیقه اوتگنده) تطبیق ایتیله باشلندی.  

بیرلشگن ملت لر تشکیلاتی خوف سیزلیک کینگشی تامانیدن ترور تشکیلات لری اوله راق قبول قیلینگن گروه لر خودی منه شوو آتش بس پروسه سی گه کریتیلمه دی.  

اوشبو آتش بس کیلیشووی دایره سیده تامان لر, هوائی هجوم لر داخل برچه هجوم لری نی توخته تیش لری و کنترول لری آستیده گی ساحه لر نی کینگیتیریش گه حرکت ایتمس لیک لری گه تعهد قیلدی.

روسیه دولت رهبری ولادیمیر پوتین, توناوون توشکی پیتده, سوریه ده ترکیه بیلن روسیه نینگ گرنتی سی آستیده آتش بس نینگ تامین ایتیلگن لیگی نی بیلدیرگن ایدی. 

شونده ی قیلیب ترکیه جمهوریتی تشقی ایش لر وزیرلیگی هم تحریری بیر بیانات بیریب, سوریه ده اوروشیتگن تامان لر نینگ آتش بس بوییچه کیلیشوو امضاله گن لیک لری نی معلوم قیلگن ایدی. 

اوشبو آتش بس نینگ موفقیتلی بیر شکلده تطبیق ایتیلیشی تقدیرده, تامان لر ترکیه و روسیه نینگ گرنتی سی بیلن قزاقستان پایتختی آستانه ده مذاکره اوتکزیب باشلیدی.