ترکیه تشقی ایشلر وزیری تینگداش لریگه بیرم اوچون اوز تبریکلری نی بیلدیردی

ترکیه جمهوریتی تشقی ایش لر وزیری مولود چاووش اوغلی تینگداش لری گه قونگغراق قیلیب اولر گه قربان هییت بیرمی مناسبتی بیلن اوز تبریک لری نی بیلدیردی. 

شونده ی قیلیب چاووش اوغلی, تلفن آرقه لی بحرین, بیرلشگن عرب امیرلیک لری و قطر تشقی ایش لر وزیر لری بیلن بیر قطارده قطر مدافعه وزیری بیلن هم صحبت ایتدی.

دیپلماتیک منبع لر دن آلینگن معلومات لر گه کوره, چاووش اوغلی اوشبو تلفنی صحبتی جریانیده, بحرین, بیرلشگن عرب امیرلیک لری و قطر تشقی ایش لر وزیر لری شیخ خالد بن احمد بن محمد الخلیفه, شیخ عبدالله بن زاید آل نهیان و شیخ محمد بن عبدالرحمن آل ثانی بیلن بیر قطارده قطر مدافعه وزیری خالد بن محمد العطیه گه قربان هییت بیرمی مناسبتی بیلن اوز تبریک لری نی بیلدیردی.

ره سی