داعش گه قره ته آلیب باریله یاتگن عملیات موفقیت لیک بیلن آلغه بارماقده
انچه منطقه کنترول آستیگه آلیندی
داعش گه قره ته آلیب باریله یاتگن عملیات موفقیت لیک بیلن آلغه بارماقده
فراد قالقانی اتیده گی حربی عملیات چوکاتیده تروریست گروهی داعش گه قره ته ترکیه قوراللی کوچلری نینگ همکارلیگی بیلن سوریه آزاد اردوسی موفقیت قولگه کیریتیب بارماقده. شو چوکاتده سوریه آزاد اردوسی عزیز بیلن الجرابلس یولینی بیر- بیریگه باغله دی. بناً ترکیه – سوریه حدودیدن تروریست گروهی تهدیدی برطرف ایتیلگن بولدی.
اوشبو حربی حرکات 12 نچی کون گه ییتیب یارگنده تقریباً 600 کیلومترلیک بیر ساحه تمیزلندی.
ترکیه قوراللی کوچلری مشترک خاص کوچلری باشقرووچیلیگیده 24 نچی اگست تاریخیده باشله گن فراد قالقانی حربی بیرینچی مقصدیگه ییتیب باردی.
سوریه نینگ الجرابلس منطقه سیدن باشله گن عملیات نینگ ایککینچی مرحله سیده اوتگن کون ترکیه نینگ کیلیس ولایتی ایل بایلی اولوسوال لیگی آرقه لی چوبان بای گه باریب کیریلدی.
ینگی جبهه گه ترکیه هوائی کوچلری هم همکارلیک عملگه آشیردی. الجرابلس نینگ جنوب – غرب تامانیده گی من طاقت، کندوره و وقُف ده ترور تشکیلاتی داعش نینگ اعضالریگه قره ته امریکا نینگ ای 10 حربی اوچاقلری آرقه لی هجوم اویوشتیریلدی. القاضی منطقه سیده 3 وُقف منطقه سیده 1 آدرس تخریب ایتیلدی.
عین دمده مخالف لر چوبان بای منطقه سیده بعضی بیرق شلاق لرنی دعش نینگ قولیدن اوز کنترولی آستیگه آلدی.
ترکیه قوراللی کوچلری 24 نچی اگست تاریخیدن بیری حاضرگچه 383 آدرس توپلم 599 بار اوریلگن لیگینی بیان ایتدی. 12 کون جریانیده داعش باغلیغ 20 آدرس آماج قرار بیریلدی. عین دمده 11 عدد ماین بیلن 325 پارتلاو ماده سی خنثی ایایتلگن.
سوریه نینگ تنرکیه حدودی بوییچه آلیب باریلگن 12 کونلیک عملیات دوامیده موفقیت قولگه کیریتیلدی. سوریه آزاد اردوسی ترکیه قوراللی کوچلری همکارلیگی بیلن عزیز و الجرابلس آره سیده گی ترکیه – سوریه چیگره سی ترور تشکیلاتی نینگ قولیدن تمیزله دی.
ترکیه چیگره سیدن سوریه گه قره ته 3 الی 5 کیلومترلیک خوفسیزلیک ساحه سی ایجاد ایتیلدی و داعش نینگ مستقیم تهدید ایتیش خطری برطرف ایتیلدی.
ترکیه قوراللی کوچلری فراد قالقانی حربی عملیاتی باشله گن دن بیری ملکی اهالی گه ضرر ییتیشمس لیگی اوچون حرکت ایتماقده.
باشقه بیر تاماندن یره لنگن سوریه آزاد اردوسی اعضالری اونجی پنار حدودی گه کیلتیریلیب ترکیه ده گی شفاخانه لرده تداوی آستیگه آلینماقده.
