لیبیاده گی بحران نینگ قنده ی قیلیب ییچیلیشی ممکن؟
لیبیاده گی بحران نینگ قنده ی قیلیب ییچیلیشی ممکن؟
لیبیاده اوتوریته قوریش گه حرکت ایتیتگن ملی مطابقت حکومتی گه باغلیق کوچ لر, اوتگن هفته ده داعش نینگ سرت شهریده گی قرارگاهی نی قول گه کریتگن لیک لری نی بیلدیردی. مصراته جنگری لری نینگ ۸۰ فایزی نی تشکیل ایتیتگن ملی مطابقت کوچلری می آییدن بیری سرت ده داعش گه قرشی اوروشماقده. اوروش لرنینگ باشلب کیتگن ایلک کونلرده داعش گه قرشی کتته موفقیت لر قول گه کریتدی اوشبو کوچلر. بیراق, داعش نینگ اوروش تکتیک لری نی اوزگرتیرگن لیگی اوشبو کوچ لرنینگ آلغه کیتیشی نی یواشله تیب قویدی. عینی دمده خودی منه شوو کوچ لرنینگ تلفات میزانی هم آرتیب کیتدی.
ملی مطابقت حکومتی نینگ بیرینچی کوندن بیری بیرته گینه یولی بار ایدی. او ایسه, دشمن نی مغلوب قیلیب سرت نی قول گه کریتیش دن عبارت ایدی. بوندی بولمس لیگی تقدیرده لیبیاده موجود بولگن باشقه ایککی حکومت نینگ ملی مطابقت حکومتی نی حاضرگی کونده هم تن آلمه گن کوچ لرنینگ مقابلیده بیر الترناتیف بولیش امکانیتی نی دوام ایتتیریشی ممکن ایمس ایدی. خودی منه شوو وضعیت نینگ اوزی ملی مطابقت حکومتی نینگ باش وزیری فیض سراج نینگ امریکا قوشمه ایالتلری حکومتی نینگ یاردمی نی طلب ایتیشی گه سبب بولدی. آگست آیی نینگ بیرینچی کونیدن بیری امریکا مصراته لیک جنگری لر بیلن همکارلیک ایترایکن, امریکا نینگ طیاره لری ایسه داعش نینگ هدف لری نی بمباردمان ایتماقده. خوب امریکا نینگ همکارلیگی بیلن داعش گه قرشی قول گه کریتیلگن اوشبو موفقیت لر ملی مطابقت حکومتی نینگ اوتوریته سی نینگ قوریلیشی گه سبب بولیشی ممکن می؟ موجود شرایطده اوشبو سئوال گه مثبت جواب قیتریش البته که ممکن ایمس. اوشبو قیین چیلیک نینگ اساسی سببی ایسه لیبیا نینگ ایچکی ایشلری گه اره له شیتگن کوچ لرنینگ ترددلی سیاست لریدن عبارت. امریکا قوشمه ایالتلری ایسه خودی منه شوو کوچ لرنینگ اینگ مهمی نی تشکیل ایتماقده.
معمرالقذافی دوری نینگ اداغگه ییتیشیشی آرتیدن امریکا و ناتو نینگ باشقه اعضا لری نینگ ایندی لیبیا ده حربی کوچ لری نینگ موجود بولمس لیگی کیره ک ایکن لیگی گه تیگیشلی قرار لری تشلنگن اینگ معقول قدم دن عبارت ایدی. بیراق, اوشبو اولکه لر لیبیاده دولت نینگ قوریلیشی باسقیچیده کتته اشتباه قیلدیلر. اوشبو اولکه لر, ایچکریده گی تامان لر نینگ جنجال لری بوییچه طرف بولدیلر. خودی منه شوو طرف بولیش مسئله سی ایسه, لیبیاده ایچکی بیر بحران نینگ باشلب کیتیشی بوییچه کتته حصه قوشدی.
امریکا حاضرگی کونده هم ملی مطابقت حکومتی نی حمایه لب, داعش گه قرشی کوره شرایکن, داعش آرتیدن قنده ی بیر رژیم نینگ حاکم بولیشی کیره ک ایکن لیگی گه تیگیشلی موثر بیر پلان گه ایگه ایمس. داعش نینگ سرت دن اوزاق لشتیریلیشی آرتیدن امریکا نینگ طبرق ده حاضرگی کونده هم اوز حاکمیتی نی دوام ایتتیریتگن نماینده لر مجلسی حکومتی گه قرشی جدی بیر سیاست آلیب باریشی کیره ک. نماینده لر مجلسی حکومتی وظیفه سی مدتی نینگ اداغگه ییتگن لیگی گه قره مسدن حاضرگی کونده هم اوز فعالیت لرینی دوام ایتتیرماقده. عینی دمده میلادی ۲۰۱۵ نچی ییلیده قبول قیلینگن قرار نی یوق ایتماقده. اوشبو وضعیت گه قرشی قرارلی بیر سیاست آلیب بارمسدن, امریکا نینگ ملی مطابقت حکومتی نی حمایه لشی نینگ اوزی لیبیاده گی قیین چیلیک لرنینگ ییچیلیشی ممکن ایمس.
ملی مطابقت حکومتی, جاری ییل نینگ اپریل آییده طرابلس ده فعالیت گه باشله گنده, نماینده لر مجلسی اعضا لری نینگ کوپچیلیگی اوشبو حکومت گه طرفدار بیلدیرگن ایدی. بیراق, تهدید داخل ایریم قیین چیلیک لر سببلی نماینده لر مجلسی اعضا لری طبرق حکومتی فعالیتی نینگ اداغگه ییتیشتیریلیشی بیلن علاقه لی لیبیا سیاسی کیلیشووی نی تصدیق له مه دی. اوشبو موضوع بوییچه اینگ اساسی فکتور سی آی ای آدمی ایکن لیگی بیلدیریلیتگن طبرق حکومتی نینگ حربی بولیمی مسئولی خلیفه حفتر دن عبارت ایدی.
حفتر نینگ اینگ کتته رقیبی, داعش گه قرشی کوره ش آلیب باریتگن مصراته لیک کوچلردن عبارت. مصراته لیک لر لیبیا نی داعش دن تصفیه ایتیش گه حرکت ایترایکن, حفتر ایسه, طرابلس گه قرشی اوز حاکمیتی نی مستحکم لشتریش گه انتیلماقده. حفتر بونده ی بیر سیاست آلیب باررایکن, امریکا قوشمه ایالتلری نینگ ایسه, سابقده اوزی نینگ آدم لریدن بولگن اوشبو کیشی گه قرشی قولیده گی برچه امکانیت لر دن استفاده ایتمیتگن لیگی کورینماقده. حفتر نینگ امریکا گه قرشی مخالفت ایتیش کوچی البته که موجود ایمس. بیراق حفتر و ملی مطابقت حکومتی گه قوشیلمس لیک اوچون قولیدن کیله دیگن برچه ایش نی قیلیتگن طبرق حکومتی مصر, بیرلشگن عرب امیرلیک لری و سعودی عربستان نینگ حمایه سی نی کسب ایتماقده. عینی دمده روسیه نینگ هم حمایه سی نی کسب ایتیش گه اینتیلماقده.
سونگگی پیتلرده فرانسه و ایتالیا نینگ هم حفتر نی حمایه لیتگن لیگی کورینماقده. فرانسه منطقه ده اوز تاثیری نی آرتیریش اوچون حفتر نی حمایه له ماقده. فرانسه نینگ اوشبو سیاست لری بوییچه اساسی فکتور ایسه مصردن عبارت. امریکا قوشمه ایالت لری نینگ تاثیریدن نجات تاپیش گه حرکت ایتیتگن مصر نینگ ایندی اوشبو دایره ده فرانسه و روسیه بیلن بولگن مناسبت لری نی یخشی لشتیریشی کیره ک.
بیراق فرانسه و ایتالیا نینگ حفتر نی حمایه لیتگن لیگی تشکیل ایتیلیشی بوییچه رول اوینه لیبیاده ملی مطابقت حکومتی پروژه سی گه ضد بیر حرکت دن عبارت. عینی دمده اوشبو ایککی اولکه متفق لریدن عبارت امریکا قوشمه ایالتلری گه ضد بیر سیاست آلیب بارماقده. شوباعث لیبیاده گی قیین چیلیک لرنینگ ییچیلیشی اوچون فقط گینه لیبیالیک لرنی مذاکره ایتیش گه مجبور قیلیش نینگ اوزی ییترلیک ایمس. یعنی آلدین اولرنینگ مذاکره ایتیشلری نی طلب ایتیتگن تامان لرنینگ اوز ارا کیلیشیب آلیش لری ضروری. اوشبو خصوصده اینگ کتته رول نی اوینشی ممکن بولگن اولکه نینگ امریکا قوشمه ایالتلریدن عبارت ایکن لیگی نی هم ایسدن چیقرمس لیک کیره ک. امریکا نینگ بونده ی بیر رول گه ایگه بولیش اورنی گه ملی مطابقت حکومتی نی داعش گه قرشی حمایه لیتگن لیگی, لیبیا نینگ بولینیشی بوییچه خلق ارا کوچ لرنینگ کیلیشیب آلگن بولیش لری توغری سیده بیر فکر نینگ پیدا بولیشی گه سبب بولماقده.
لیبیا نینگ بولینیب قالیشی تقدیرده, طرابلس و غربی منطقه لرده امریکا قوشمه ایالتلری و بریتانیا تاثیر ایگه سی بوله دی. شونده ی قیلیب فرانسه بیلن ایتالیا ایسه بنغازی و شرقی منطقه لر گه اوز تاثیری نی قویب باشلیدی.
یوقاریده بحث ایتیلگن اوشبو میش- میش لرنینگ حقیقت گه ایلنمس لیگی افسوس که لیبیا لیک لرنینگ قولیده بولگن بیر نیرسه دن عبارت ایمس. لیبیا نینگ بولینمس لیگی اوچون امریکا قوشمه ایالت لری و باشقه غربی اولکه لرنینگ فرقلی اکتور لر بیلن فعالیت آلیب باریشدن واز کیچیشی کیره ک. عینی دمده مصر, بیرلشگن عرب امیرلیک لری و سعودی عربستان نینگ متحد لیبیا شعاری نی سوزده ایمس, بلکه عملده حمایه قیلیش لری ضروری.
