ترکیه نینگ اسرائیل و روسیه بیلن بولگن مناسبت لری

اوتگن هفته ده ترکیه بیلن اسرائیل اوز ارا کیلیشیب آلدی. شونده ی قیلیب آلتی ییلدن بیری ترکیه بیلن اسرائیل آره سیده دوام ایتیب کیلگن کیلیشموو چیلیک اداغگه ییتگن بولدی.  اوشبو کیلیشو البته که غزه ده گی فلسطین لیک لر اوچون ایریم نتیجه لر گه ایگه بولدی.  ایندی بعضی چیکلاو لرنینگ موجود بولیشی گه قره مسدن غزه گه ترکیه تامانیدن ینه ده کوپراق بشری یاردم لر نینگ یوباریلیشی ممکن.  بیراق, اوشبو کیلیشوو اینگ کوپ ترکیه بیلن اسرائیل آره سیده گی مناسبت لر جهتیدن اهمیت کسب ایتماقده.  شوباعث اوشبو کیلیشوو نینگ فلسطین مسئله سی نینگ ییچیلیشی اوچون بیر کیلیشوو دن عبارت ایکن لیگی نی ایسله تیب اوتیش ممکن ایمس.  شونده ی قیلیب فلسطین مسئله سی اوشبو کیلیشوو گه سیغه دیگن بسیط بیر موضوع دن عبارت ایمس البته که.  اوشبو دایره ده, غزه و غربی نوار نینگ اسرائیل تامانیدن اشغال ایتیلگن میلادی ۱۹۶۷ نچی ییلی عرب – اسرائیل اوروشی نینگ ۴۹ نچی ییلی ده فلسطین حقیقتی نی بهالنتریش فایده لی بوله دی. 

میلادی ۱۹۶۷ نچی ییلیدن بیری شرقی بیت المقدس داخل غربی نوار و غزه اسرائیل نینگ اشغالی آستیده.  اوشبو حدود لرنینگ اسرائیل تامانیدن اشغال ایتیلیشی آرتیدن ۳۰۰ مینگ فلسطین لیک اوز وطن لری نی ترک ایتیب کیتیش گه مجبور قیلینرایکن, منطقه نی ترک ایتگن کیشی لرنینگ بویوک بیر قسمی قیتیب کیلمه دی.  میلادی ۱۹۶۷ نچی ییلیده اسرائیل ایریم منطقه لر دن فلسطین لیک لرنی چیقریب, اوشبو منطقه لر نی یوق ایتدی.  اسرائیل لیک مسئول لرنینگ ایلک قیلگن ایشی شرقی بیت المقدس ده گی مُغرابی محلله سی نینگ ۱۳۵ اویی نی ییر بیلن یکسان قیلیشدن عبارت بولدی.  شونده ی قیلیب ۶۰۰ محلله یشاوچی سی اوشبو منطقه دن چیقریلدی.  تخریب ایتیلگن اوشبو اوی لرنینگ اورنی گه غرب دیواری پلازا سی قوریلدی.  غربی نوار گه نا قانونی بیر شکلده یهودی ناقل لرنینگ جایلشتریلیشی ایشلری ایشچی حزبی حکومتی نینگ حمایه سی بیلن میلادی ۱۹۶۷ نچی ییلیده عمل گه آشیریلدی.  اوشبو فعالیت لر و ۱۹۴۹ نچی ییلی چیگره لری تشقری سیده یهودی ناقل لر نینگ جایلشتیریلیشی خلق ارا حقوق گه ضد بولیب و تورتینچی ژنیو کیلیشوی نینگ اخلالی معنی سی گه کیلماقده.  عینی دمده بولیب اوتگن یاشیرینچ بیر ییغیلیشده اسرائیل حکومتی نینگ مشاور لری دن بیری نینگ هم اوشبو وضعیت نی اوز بوینی گه آلگن لیگی بیلدیریلماقده. 

میلادی ۱۹۷۴ نچی و ۱۹۷۵ نچی ییلیده اسرائیل بیت المقدس نینگ شرقیده, غربی نوار حدود لری ده حاضرگی کونده اینگ کتته مسکونی نقطه بولگن معالی ادومیم نی قوردی.  حاضرگی کونده غربی نوار و شرقی بیت المقدس ده حکومت تامانیدن تصدیق لنگن ۱۲۵ مسکونی نقطه موجود.  عینی دمده حکومت دن اجازت آلینمه گن قریب ۱۰۰ مسکونی نقطه نینگ موجودیتی هم بحث موضوعی.  خودی منه شوو مسکونی منطقه لرنینگ همه سیده قریب ۶۰۰ مینگ یهودی ناقل قانونی بولمه گن بیر شکلده یشه ماقده.  بیرلشگن ملت لر تشکیلاتی نینگ راپوری گه کوره, سونگگی ۱۰ ییلده یهودی ناقل لر تامانیدن فلسطین لیک لر گه قره تیلگن ۲ مینگ ۵۹۸ خشونت حادثه سی بحث موضوعی بولگن. 

میلادی ۱۹۸۰ نچی ییلی نینگ اورته سی گه قدر غربی نوارده فلسطین لیک لرنینگ ایکینچی لیک ساحه لری ۴۰ فایز مقیاسیده کمییب کیتدی.  میلادی ۱۹۹۱ نچی ییلیدن بیری اسرائیل, اشغال ایتیلگن توپراق لرده یشیتگن فلسطین لیک لرنینگ اسرائیل گه اوتیشلری اوچون اجازت آلیش لرینی طلب ایتیب کیلماقده. 

اسرائیل نینگ حاضرگی کونده غربی نوارده, فلسطین لیک لرنینگ حرکت لری گه توسیق بولیش اوچون ۵۰۰ دن آرتیغراق نقطه ده کنترولی پوسته لر قورگن لیگی کورینماقده.  میلادی ۲۰۰۳ نچی ییلیده اسرائیل غربی نوار بیلن بیت المقدس آره سی گه ایریلیق دیواری قوردی.  میلادی ۲۰۰۴ نچی ییلیده خلق ارا عدالت دیوانی اسرائیل نینگ اوشبو ایشی نینگ خلق ارا حقوق گه ضد ایکن لیگی نی بیلدیردی. 

غزه نوارده قریب ۱,۸ میلیون فلسطین لیک یشه ماقده.  اوشبو فلسطین لیک لرنینگ ۷۰ فایزی بیرلشگن ملت لر تشکیلاتی گه راجستر قیلینگن مهاجر لر دن عبارت.  خودی منه شو فلسطین لیک لر میلادی ۱۹۴۸ نچی ییلیده اوز یورت لریدن هیده لگن فلسطین لیک لر نی تشکیل ایتماقده.  میلادی ۲۰۰۵ نچی ییلیده یهودی ناقل لرنینگ جایلشتیریلیشی فعالیت لری اداغگه ییتدی.  بیراق, عملده منطقه نینگ اشغالی حاضر هم دوام ایتماقده.  

میلادی ۱۹۶۷ نچی ییلیده اسرائیل, بیت المقدس شهری نی کینگیتیرگن لیگی نی بیلدیررایکن, میلادی ۱۹۶۷ نچی ییلی آرتیدن اشغال ایتگن توپراق لر نینگ بیر قسمی نی شهر نینگ چیگره لریگه قوشدی.  اوشبو موضوع توپراق الحاقی معنی سی گه کیله دی.  الحاق ایتیلگن اوشبو توپراق لرنینگ اوچدن بیر قسمی استملاک ایتیلدی و ۴۷ مینگ کیشی لیک مسکونی منطقه خودی منه شوو توپراق لر نینگ اوستی گه قوریلدی.  بیت المقدس ده یشیتگن فلسطین لیک لرنینگ بویوک بیر قسمی تابعت ایگه سی ایمس.  اوشبو فلسطین لیک لرنینگ فقط گینه بعضی شرایط بیلن یشش حقی بار خلاص.  اسرائیل لیک مقام لر ایریم پیت لر ده اوشبو شرایط گه حایز ایمس لیگی نی بیلدیریب خودی منه شو اقامت سند لری نی باطل قیلیب بحث موضوعی فلسطین لیک لر نی بیت المقدس دن هیده ب یوبارماقده.  میلادی ۲۰۱۴ نچی ییلیده اوشبو کیشی لرنینگ سانی ۱۰۷ نفر گه کوتریلیب کیتدی.  

اسرائیل میلادی ۱۹۶۷ نچی ییلی دن بیری منطقه ده ایککی یوزله مه چیلیک قیلماقده.  شونده ی قیلیب سانی ۶۰۰ مینگ دن عبارت یهودی ناقل لر ملکی محکمه ده نفوسی ۴,۵ میلیون بولگن فلسطین لیک لر ایسه حربی محکمه ده محکمه ایتیلماقده.  حربی محکمه لر ده دعوی ایتیلگن کیشی لرنینگ ۹۹,۷۴ فایزی مجرم دیب قبول ایتیلماقده. اسرائیل لیک مقام لر فلسطین لیک لرنی هر قنده ی بیر جرم یاکه محکمه سی نینگ بولمس لیگی گه قره مسدن آلتی آی لیق بیر مدت بیلن قمَب قویش حقی بار.  آلتی آیدن کیین هم ضرورت بولیشی تقدیرده اوشبو مدت ینه ۶ آی تمدید ایتیش لری ممکن.  حاضرگی کونده ۷ مینگ دن آرتیغراق فلسطین لیک محکوم نینگ ۷۱۵ نفری اوشبو شکلده نظارت آستی گه آلینگن کیشی لر دن عبارت. 

میلادی ۱۹۶۷ نچی ییلیدن بیری اسرائیل فلسطین لیک لر گه عاید بولگن یوز لب اوی نی تخریب قیلدی.  عینی دمده اجازت سیز بیر شکلده قوریلگن لیگی ادعا سی بیلن فلسطین لیک لرنینگ کوپلب اوی لری ویران قیلیندی.  اوی قوریش اوچون فلسطین لیک لرنینگ طلبی ۹۵ فایز میزانیده رد ایتیلدی.  میلادی ۲۰۱۶ نچی ییلی نینگ ایلک بیش آییده اوی لری اسرائیل لیک مقام لر تامانیدن ویران قیلینگن فلسطین لیک لرنینگ سانی ۶۲۵ نفر گه کوتریلیب کیتدی. 

میلادی ۱۹۸۷ نچی و ۱۹۹۳ نچی ییل لری آره سیده ۲۰ فایزی باله لر دن عبارت بیر مینگ دن آرتیغراق فلسطین لیک جان بیردی.  میلادی ۲۰۰۶ نچی و ۲۰۱۴ نچی ییل لریده اسرائیل تامانیدن غزه گه قره ته اویوشتیریلگن آلتی هجوم عاقبتیده بیر مینگ ۹۷ باله نینگ جان بیرگن لیگی بیلدیریلدی.

میلادی ۱۹۹۰ نچی ییلیده امضالنگن اوسلو کیلیشووی دایره سیده فلسطین رهبریتی قوریلدی.  اوشبو رهبریت میلادی ۱۹۶۷ نچی ییلی دن بیری اسرائیل نینگ اشغالی آستیده بولگن فلسطین مسکونی منطقه لری نینگ ایریم منطقه لریده بعضی موضوع لر بوییچه فلسطین لیک لر گه خدمت قیلماقده. 

اوشبو کیلیشوو دایره سیده اسرائیل نینگ اشغالی آستیده گی منطقه لر A, B, C  دن عبارت اوچ قسم گه اجره تیلدی. A و B منطقه لری بیر بیر لری گه یقین منطقه لر دن عبارت ایمس. ایککی یوز ۲۷ فرقلی ساحه دن تشکیل تاپماقده و فرقلی درجه لر ده فلسطین اداره سی نینگ کنترولی آستیده.  بیراق, غربی نوار نینگ ۶۰ فایزی نینگ همه سی ملکی و حربی جهت دن اسرائیل تامانیدن باشقریلماقده. 

بیرلشگن ملت لر تشکیلاتی کمیته لری و باشقه انسان حق لری نی تعقیب ایتیش کمیته لری اسرائیل نینگ اوشبو سیاست لری نی فلسطین لیک لر گه قرشی بیر تبعیض سیاستی اوله راق بهالنترماقده. 

قیسقه قیلیب ایتیله دیگن بولسه اگر, خلق ارا جامعه نینگ جدی بیر شکلده باش قاتریشی و حقوق میکانیزم لری نینگ قرار لی بیر شکلده فعالیت آلیب باریشی تقدیرده گینه فلسطین مسئله سی نینگ ییچیلیشی ممکن خلاص.