امریکالیک سناتورلیک: اسرائیل نینگ جرملری تحقیق قیلینسین

امریکا سناتوری نینگ, اسرائیل نینگ جرم لری سببلی محکمه ایتیلیشی کیره ک ایکن لیگینی بیلدیریشی تقدیرده نیمه بوله دی؟

سناتور پاتریک لیهی امریکا اردوسی نینگ همکارلیگی بیلن اسرائیل و مصر نینگ قیلگن جرم لری نینگ تخقیق ایتیلیشی کیره ک ایکن لیگی نی بیلدیردی.

امریکا قوشمه ایالت لری سناتوری پاتریک لیهی امریکا اردوسی نینگ همکارلیگی بیلن اسرائیل و مصر نینگ قیلگن برچه جرم لری نینگ قیدیریلیشی کیره ک ایکن لیگی نی بیلدیررایکن, شونده ی قیلیب اوشبو موضوع اسرائیل باش وزیری بونامین ناتانیاهو نی جوده هم عصبانی لشتیریب یوباردی.

غربی نوارده یره لنگن بیر فلسطین لیک نینگ اسرائیل عسکر لری تامانیدن آتیب اولدریلگن لیگی گه تیگیشلی تصویر لرنینگ تاپیلیشی آرتیدن سناتور لیهی نینگ اوشبو خصوصده تحقیقات آلیب باریلیشی کیره ک ایکن لیگی نی بیلدیرگن لیگی, امریکا اردوسی نینگ اسرائیلده راستگرا حکومت نی حمایه لیتگن لیگی نینگ کونساین بحران گه سبب بولیتگن لیگی نی کورستماقده.

فبروری آیی نینگ ۱۷ نچی کونیده لیهی و ۱۰ نفر دموکرات کانگرس اعضاسی, تشقی ایش لر وزیری جان کری گه بیر مکتوب یوباردی. اوشبو مکتوبده, "اسرائیل و مصرده خوف سیزلیک کوچ لری نینگ انسان حق لری اخلال لری سانی انچه آرتیب کیتگن وضعیتده. بحث موضوعی تامان لر امریکا اردوسی نینگ حمایه سی نی کسب ایتیتگن یاکه کسب ایتیش احتمالی بولگن طرفلر نی تشکیل ایتماقده. اوشبو خصوصده گی راپور لرنینگ توغری ایکن لیگی یاکه ایمس لیگی باره سیده بیر تحقیقات آلیب باریب, خودی منه شو تحقیقات نینگ نتیجه لری حقیده بیزگه معلومات بیریشینگیز نی طلب ایتماقده میز" دییه قید ایتیلدی.

امریکا حکومتی, سناتور لرنینگ اوشبو مکتوبی نینگ لیهی قانونی نینگ اخلالی اوله راق بهالنتریلیشی نینگ ممکن ایکن لیگی نی بیلدیرماقده. اوشبو قانون گه کوره, تشقی ایش لر وزیری نینگ مذکور اولکه لرنینگ خوف سیزلیک کوچ لری بیلن علاقه لی هر قنده ی بیر معلومات بیریشی نینگ مذکور اولکه گه امریکا نینگ حربی یاردم لری نینگ توسیق له نیشی کیره ک ایکن لیگی قید ایتیلماقده.

موندوویس نینگ یازوچیسی فیلیپ ویس, "اوشبو مکتوبده امضا سی بولگن سناتور لر قاره تنلی و اقلیت لرنینگ نماینده لری دن عبارت. بونینگ اوشبو موضوع بیلن ارتباطی بار. تامارا کوفمن وایتس نینگ دوشنبه کونی کولمبیاده ایتیب اوتگن لیگی دیک, دموکراسی طرفدار ی و فلسطین مسئله سی گه اهمیت بیریتگن کیشی لر آره سیده قاره تنلی و لاتین گروپ لرنینگ آرتیب کیتگن لیگی اوچون اسرائیل نینگ امریکا تامانیدن حمایه له نیتگن لیگی گه تیگیشلی سیاسی بحث لرنینگ هم باشلب کیتگن لیگی کورینماقده.

اسرائیل نینگ امریکا سیاستیده تنقید ایتیلیشی ممکن بولمه گن بیر اولکه دن عبارت ایکن لیگی سببلی لیهی نینگ اسرائیل و مصرده گی ظلم لر بیلن علاقه لی اوشبو مکتوبی اوزی گه خاص بیر حرکت دن عبارت. امریکا, اسرائیل گه هر ییل ۳,۱ میلیارد دالرلیک یاردم ایتماقده. امریکا مصر گه هم ۱,۵ میلیارد دالر یاردم ایتدی. بیراق, مصرده گی خودی منه شو پول لر نی اولکه ده وحشیانه بیر شکلده باسیم قیلیتگن حربی رهبریت استفاده ایتماقده. اوشبو ایککی اولکه میلادی ۲۰۱۴ نچی ییلیده قیلینگن یاردم لرنینگ ۷۵ فایزی نی کسب ایتدیلر.

اوشبو مکتوب نی سنا مجلسی تشقی علاقه لر کمیته سی نینگ دموکرات عضوی و اسرائیل طرفداری بیر سیاست گه ایگه بن کاردین قتتیق بیر شکلده تنقید ایتدی. یکشنبه کونی فاروارد آتیده گی بیر نشراتی اورگان آرقه لی نشر ایتیلگن بیر مقاله گه کوره کاردین, " بوییرده مقایسه ایتیش ممکن ایمس. اسرائیلده حقوق نینگ برترلیگی گه اهمیت بیریلماقده. بونگه اوخشه گن کیشی لرنی مسئول دیب کورسه ته دیگن بیر سیستم موجود" دییه قید ایتگن.

اوتگن چهارشنبه کونی اسرائیل باش وزیری ناتانیاهو هم, "اسرائیل مدافعه کوچلری و اسرائیل پولیسی هیچ کیمسه نی اولدیرمه دی. فقط گینه معصوم انسان لرنی تروریست لر دن قوریماقده" دییه قید ایتگن ایدی.

توققوز یوز ییتمیش ایککی مجله سیدن داهلیه شیندلین, ناتانیاهو نینگ اوز اوشبو لری نینگ فقط گینه یلغان لردن عبارت ایکن لیگی نی بیلدیردی. میلادی ۲۰۱۴ نچی ییلی فبروری آییده ترقه تیلگن خلق ارا عفو تشکیلاتی نینگ راپوریده, اسرائیل نینگ باله لر داخل فلسطین لیک لر نی جرم لری گه قره مسدن اولدیرگن لیگی و یره له گن لیگی قید ایتیلگن. اوشبو مطلب نینگ مطرح ایتیلیشی دن قیسقه بیر مدت کیین اسرائیل ۵۱ کون لیک بیر مدت بیلن غزه نی بمباردمان ایتدی. اوشبو بمباردمان نتیجه سیده ۲۴۱۵ نفر فلسطین لیک جان بیردی. خودی منه شو جان بیرگن کیشی لرنینگ ۵۷۸ کیشی سی باله لردن عبارت ایدی.

باشقه بیر تاماندن ایسه ناتانیاهو جمعه کونی کری گه قونگغراق قیلیب امریکا تشقی ایشلر وزیرلیگی نینگ اسرائیل نینگ آدم اولدیرگن لیگی گه تیگیشلی جرم لر بوییچه مسئول ایمسلیگی نی بیلدیردی.

اوشبو موضوع بیلن علاقه لی بحث و مناظره لر دوام ایترایکن, ناتانیاهو امریکا دن ۴,۵ میلیارد دالرلیک حربی یاردم طلب ایتدی.

بیراق, امریکا نینگ دوست لری تشکیلاتی کمیته سی نینگ حکومت بیلن بولگن علاقه لر بوییچه مسئولی راید جارر آلترنیته بیرگن بیاناتلریده, "ناتانیاهو نینگ افراطی سیاست لری, امریکا نینگ حد سیز یاردم لری نینگ دوام ایتتیریلیشی نی امکان سیز بیر وضعیت گه کیتیریب قویماقده" دییه قید ایتدی.

خلق ارا آقلاوچی لر بیرلیگی ملی کمیته سی تینگ باشلیغی سوسان ادیلی گه کوره, اسرائیل نینگ میلادی ۲۰۱۴ نچی ییلیده گی غزه هجومی و میلادی ۲۰۱۳ نچی ییلیده گی رابعه قیرغینی اوته مهم موضوع لر نی تشکیل ایترایکن, میدیا و حکومت مسئول لری و عادی امریکا تبعه لری ایندی اوشبو معما لرنینگ اداغگه ییتیشیشی کیره ک ایکن لیگی نی بیلدیرگن ایدی.