سعودی عربستان ایگیرمه بیش ییل کیین او اولکه ده سفارتی نی آچدی

سعودی عربستان ۲۵ ییل لیق بیر مدت کیین عراقده قیته باشدن اوز سفارتی نی آچدی.
ریاض رهبریتی, صدام حسین دوریده عراق نینگ کویت نی اشغال ایتیشی آرتیدن عراق بیلن بولگن دیپلماتیک مناسبت لری نی توخته تیب قویگن ایدی.
سعودی عربستان نینگ عراقده گی سفارتی نینگ ایلچی نینگ اورینباسر لری داخل ۳۵ نفر پرسونلی نینگ عراق پایتختی بغداد گه ییتیب کیلگن لیک لری بیلدیریلدی.
عینی دمده سفیر نینگ اوزی نینگ هم پنجشنبه کونی بغداد گه کیله دیگن لیگی معلوم قیلیندی.
بوندن تشقری, عراق نینگ شمالیده گی اربیل شهریده هم سعودی عربستان قنسولگرلیگی نینگ آچیله دیگن لیگی بیلدیریلدی.
میلادی ۱۹۹۰ نچی ییلیده عراق سابق جمهوررئیسی صدام حسین رهبرلیگی ده تیل جهتی دن بای بیر اولکه دن عبارت کویت نی اشغال ایترایکن, خودی منه شو کوندن باشلب سعودی عربستان بیلن عراق آره سیده گی علاقه لر بوزیلیب قالگن ایدی.