اسلامی اولکه لر تروریزم گه قرشی کوره ش ائتلافی قوردی

اسلامی اولکه لر دن تشکیل تاپگن ینگی بیر تروریزم گه قرشی کوره ش ائتلافی قوریلدی.
بوگون سعودی عربستان رهبریتی ۳۴ اولکه دن تشکیل تاپگن بیر ائتلاف نی اعلان ایترایکن, اوشبو ائتلاف نینگ اساسی هدفی نینگ تروریزم گه قرشی کوره ش دن عبارت ایکن لیگی نی بیلدیردی.
سعودی عربستان خبر آژانسی اوشبو ائتلافده اورین آلگن اولکه لرنینگ لستی نی اعلان ایترایکن, خودی منه شو ائتلاف نینگ مرکز بولگن سعودی عربستان پایتختی ریاض دن باشقریله دیگن لیگی نی معلوم قیلدی.
ترکیه, مالیزیا, پاکستان, مصر, قطر, بیرلشگن عرب امیرلیک لری و باشقه بیر نیچه عرب و افریقائی اولکه لر نی قمره ماقده اوشبو ائتلاف.
لیکن ایران نینگ اوشبو ائتلافده اورین آلمه گن لیگی بیلدیریلدی.
سعودی عربستان مدافعه وزیری خودی منه شو ائتلاف نینگ عراق, سوریه, لیبیا, مصر و افغانستانده تروریزم گه قرشی کوره ش بوییچه فعالیت لر نی تنظیم ایته دیگن لیگی نی معلوم قیلدی.