سوریه ده ترکمنلر قیزیلداغ تپه سینی قول گه کریتدی

سوریه نینگ لاذقیه ولایتی گه باغلیق قیزیلداغ منطقه سی ینه ترکمنلر نینگ کنترولی گه اوتدی.
سونگگی کونلرده بیر نیچه مراتبه فرقلی تمانلرنینگ قولی گه توشگن قیزیلداغ نینگ ترکمنلرنینگ کنترولی گه اوتگن لیگی بیلدیریلدی.
سوریه ده بشار الاسد رژیمی گه قرشی اوروشیتگن منطقه ده گی ترکمن حربی لر بایربوجاق ترکمن منطقه سیده گی قیزیلداغ تپه سی گه عملیات باشلتدی.
شونده ی قیلیب ترکمن کوچلر بوگون ایرته لب قیزیلداغ تپه سی نی قیتریب آلیش گه موفق بولدی.
قیزیلداغ منطقه سی نینگ سونگگی کون لرده بشار الاسد رژیمی نینگ پیاده و روسیه نینگ ایسه هوائی هجوملری نتیجه سیده بعضاً رژیم و بعضاً ایسه مخالفلر نینگ کنترولی گه اوتیتگن لیگی کورینماقده.
قیزیلداغ تپه سی سوریه نینگ ترکیه چیگره سیده ترکیه دن فقط گینه ۵ کیلومتر لیک بیر مسافه ده اورین آلماقده. منطقه ده گی اینگ یوکسک تپه ایکن لیگی سببلی ایسه ستراتیژیک بیر اهمیت گه ایگه.
بشار الاسد رژیمی نینگ اوشبو تپه نی قول گه کریتیشی تقدیرده, قیزیلداغ دن اون ترکمن قشلاغی نی توپ بیلن اوریش کوچی گه ایگه بوله دیگن لیگی معلوم قیلینماقده.