سوریه ده ترکمنلر نینگ قیرغین ایتیلیشی ممکن...

ترکیه نینگ هتای ولایتی نینگ جنوبیده اورین آلگن سوریه ده ترکمن لرنینگ یشیتگن باییربوجاق منطقه سیده قیرغین بولیش احتمالی موجود.
سوریه ده ترکمن لرنینگ وطنیدن عبارت باییربوجاق ده گی آجی سو, فیرینلیق و اینیقسه قیزیلداغ منطقه لری, روسیه اوروش طیاره لری نینگ بمباردمانی بیلن بشار الاسد کوچ لری نینگ هجومی آستیده.
سوریه اردوسی نینگ قیزیلداغ گه یقین تپه لر گه هلیکوپتر لر بیلن حربی توشیرگن لیگی بیلدیریلماقده.
غمام, و زویک قشلاق لری, آجی سو منطقه سی و قیزیلداغ نینگ معلوم بیر قسمی بشار الاسد کوچلری نینگ قولیگه توشدی.
اسد رژیمی نینگ قیزیلداغ نینگ همه سی نی آلیشی تقدیرده ۱۰ ترکمن قشلاغی نی توپ بیلن اوریش امکانیتی گه ایگه بوله دیگن لیگی بیلدیریلماقده.
رژیم نینگ هدفیده گی باشقه بیر منطقه ایسه آجی سومنطقه سیدن عبارت. اوشبو ییر ساحل قسمی بیلن ترکمن حربی لری نینگ کنترولی آستیده گی شمالی خط نینگ آره سیده اورین آلگن بیر منطقه نی تشکیل ایتماقده.
ترکمن لرنینگ اکثریت نی تشکیل ایتیتگن لاذقیه نینگ باییربوجاق منطقه سی ترکمن داغی قسمی, بشار الاسد رژیمی گه قرشی کوره ش آلیب باریلیتگن ستراتیژیک بیر نقطه دن عبارت.
روسیه تمانیدن حمایه له نیتگن بشار الاسد رژیمی, باییربوجاق نی بتونلی قول گه کریتیشی تقدیرده, آقدینگیز قیرغاغیده گی حاکمیتی نی مستحکم لشتیرگن بوله دی.
جدی بیر شکلده اوروش لرنینگ دوام ایتیتگن اوشبو منطقه ترکیه دن فقط گینه بیش کیلومتر لیک بیر مسافه ده اورین آلماقده. ترکیه اوشبو خصوصده اوز تدبیر لرینی آلگن وضعیتده. ترکیه گه کیلگن بیش مینگ کیشی مهاجر یامادی کمپی گه جایلشتریلدی. باله لری نی عیال لری نی ترکیه گه کیتیریب قویگن ترکمنلر اوروشماق اوچون اوز وطن لری گه قیتیب کیتدی.
براق, باییر بوجاق منطقه سیده ترکمن حربی لری دن عبارت سلطان عبدالحمید لواسی نینگ کوپ تلفات بیرگن لیگی بیلدیریلماقده.
ایران و حزب الله حربی لری دن تشقری, عراق, افغانستان و پاکستاندن کیلگن شیعه جنگری لرنینگ هم بشار الاسد رژیمی بیلن همکارلیک ایتیتگن لیگی ادعا ایتیلماقده.
سوریه ترکمن لری کیملردن عبارت؟
میلادی ۱۵۱۶ نچی ییلیده عثمانی دولتی نینگ پادشاه لری دن بیری بولگن یاووز سلطان سلیم دوریده سوریه توپراق لری عثمانلی دولتی گه الحاق ایتیلدی.
منطقه ۴۰۲ ییل لیق بیر مدت دوامیده ترک لرنینگ حاکمیتی آستیده قالدی. خودی منه شو دور نینگ اوزیده سوریه ده ترکمن لر اوشبو منطقه گه جایله شیب قالدی. سوریه ده گی ترکمن لرنینگ اکثریتی سنی حنفی مذهبی گه ایگه.