قطر سوریه ده داعش گه قرشی اوروشه دی

قطر نینگ سوریه ده ترور تشکیلاتی داعش گه قرشی اوروشیشی ممکن.
قطر تشقی ایش لر وزیری خالد العطیه, سوریه گه حربی مداخله قیلیش لری نینگ ممکن ایکن لیگی نی بیلدیردی.
العطیه امریکا نینگ سی ان ان تلویزیونی بیلن قیلگن مصاحبه سیده, اولکه سی نینگ سوریه ده هیچ قنده ی بیر جیوپولیتیک منفعتی نینگ موجود ایمس لیگی نی بیلدیررایکن, "سوریه ده ایچکی اوروش لر نینگ باشلب کیتگن کوندن بیری اوشبو معما نینگ تینچ لیک سیور میتود لر بیلن ییچیلیشی اوچون سعی و حرکت ایتیب کیلگن لیگی میز نی همه بیله دی" دییه قید ایتدی.
منطقه ده, اوروش لر و دیالوگ پروسه سی نینگ موجود ایکن لیگی نی بیلدیرگن العطیه, اوز سوز لری نی, "دیالوگ نی ترجیح ایته میز. عینی دمده کوچلی هم بولیشی میز کیره ک. سوریه نینگ تجزیه ایتیلمسلیگی اوچون سعودی و ترک قرداش لری میز بیلن بیرگه قولیمیزدن کیله دیگن برچه سعی و حرکت لر نی قیله میز. سوریه خلقی نی رژیم نینگ تهدید لریدن قوریش اوچون کیره ک بولگن تقدیرده حربی مداخله قیله میز" شکلیده دوام ایتتیردی.
سوریه ده ایچکی اوروش لرنینگ باشلب کیتگن کوندن بیری سوریه خلقی نینگ یانیده بولیب کیلگن لیک لری نی بیلدیرگن العطیه, بیرلشگن ملت لر تشکیلاتی خوف سیزلیک کینگشی نینگ ایسه سوریه خلقی نی نجات بیره آلمه گن لیگی نی معلوم قیلرایکن, شوباعث "سوریه نینگ دوست لری" تشبثی سی نی حمایه له گن لیک لری نی ایسله تیب اوتدی.