سوریه مسئله سی بوییچه امریکا بیلن روسیه موافقه قیلماقده

امریکا قوشمه ایالت لری بیلن روسیه سوریه مسئله سی بیلن علاقه لی اوز ارا کیلیشیب آلماقده.
امریکا و روسیه نینگ اوروش طیاره لری نینگ سوریه ده خطرلی بیر شکلده بیر بیر لری گه یقین له شیب قالگن لیک لری گه تیگیشلی خبر لر نینگ کیلیشی آرتیدن اوشبو ایککی اولکه نینگ خودی منه شو حادثه لر گه توسیق بولیش اوچون جوده یقین بیر کیله جکده اوز ارا کیلیشیب آله دیگن لیک لری بیلدیریلدی.
امریکا میدیا سیده بیریلگن خبر لر گه کوره, واشنگتن رهبریتی دن مسئول لر, تمانلر نینگ اوشبو خصوصده بیر کیلیشو امضالش توغری سیده سونگگی باسقیچ گه کیلیب قالگن لیگی نی بیلدیرگن.
خودی منه شو کیلیشو نینگ قچان تکمیل بوله دیگن لیگی خصوصیده انیق بیر معلومات بیریلمه گن لیگی گه قره مسدن, اوشبو کیلیشو نینگ یقین بیر کیله جکده امضاله نه دیگن لیگی قید ایتیلدی.
اوشبو کیلیشو نینگ فقط گینه امریکا طیاره لری ایمس, بلکه امریکا رهبریتیده گی ائتلاف نینگ ایچیده اورین آلگن اولکه لرنینگ طیاره لری نی هم قمره گن لیگی معلوم قیلیندی.
امریکا و روسیه نینگ اوروش طیاره لری نینگ سوریه توپراق لریده بیر بیر لری گه جوده هم یقین له شیب قالیشی آرتیدن اوشبو ایککی اولکه نینگ مسئول لری خودی منه شو وضعیت نینگ یمان نتیجه لری گه مانع بولیش لری اوچون اوچ مراتبه اوز ارا اوچره شگن ایدی.