ترور تشکیلاتی داعش نینگ اینگ مهم قوماندانی اولدیریلدی
اوشبو کیشی نینگ البغدادی نینگ اینگ یقین مشاوری ایکن لیگی بیلدیریلماقده
ترور تشکیلاتی داعش نینگ اینگ مهم قوماندانی اولدیریلدی.
امریکا قوشمه ایالتلری مدافعه وزیرلیگی پنتاگون ترور تشکیلاتی داعش نینگ رهبر لری دن بیری بولگن ابو بکر الترکمنی و فرانسه لیک بمب متخصصی دیوید دوروگون نینگ اولدیریلگن لیگی گه تیگیشلی خبر لر نی تائید ایتدی.
پنتاگون سوزلاوچیسی پتر کوک, ترور تشکیلاتی القاعده دن اجره لیشی آرتیدن ترور تشکیلاتی داعش گه قوشیلگن ابو بکر الترکمنی نینگ, عراق نینگ تلعفر شهری گه یقین بیر جایده, سپتامبر آیی نینگ 10 نچی کونیده اویشتریلگن هوائی بیر عملیات نتیجه سیده اولدیریلگن لیگی نی بیلدیردی.
داعش نینگ یوقاری مرتبه لیک مسئول لری دن بیری بولگن ابو بکر الترکمنی, البغدادی نینگ یقین مشاور لری دن بیری اوله راق بیلینماقده ایدی.
پتر کوک, دیوید دوروگون نینگ ایسه, جولای آیی نینگ 5 نچی کونیده سوریه نینگ حلب شهری گه یقین بیر جایده اویشتریلگن هوائی بیر عملیات نتیجه سیده اولدیریلگن لیگی نی ایسله تیب اوتدی.
