داعش سوریه ده اینگ سونگگی چیگره نی هم قول گه کریتدی

داعش, سوریه ده بشار الاسد تیزیمی نینگ قولیده گی سونگگی چیگره نی هم قول گه کریتدی.
سوریه بیلن عراق آره سیده بشار الاسد تیزیمی نینگ قولیده گی سونگگی چیگره دروازه سی هم داعش جنگری لری نینگ قولی گه توشدی.
پالمیرا شهری نی قول گه کریتگن و سوریه نینگ قریب یریمی دن آرتیغراق بیر قسمی نی اوز کنترولی آستی گه آلگن لیگی تخمین ایتیلیتگن داعش نینگ آلغه کیتیشی دوام ایتماقده.
مرکزی لندن ده اورین آلگن سوریه انسان حق لری نی تعقیب ایتیش مرکزی, بشار الاسد تیزیمی گه باغلیق حربی لر نینگ الطنف چیگره دروازه سی دن چیکیلگن لیک لری نی بیلدیردیک.
عراقده هم اوز اوروش لری نی دوام ایتتریتگن داعش, الرمادی نی قول گه کریتیشی آرتیدن ۱۰ کیلومتر شرق ده گی حُسیبه تمانیده اورین آلگن خوف سیزلیک کوچ لری نینگ مدافعه خطی نی یاردی.
خلق ارا جامعه داعش نینگ قولی گه توشگن سوریه ده گی پالمیرا انتیک شهری نینگ کیله جگی باره سیده خواطر بیلدیرماقده.
شوندای قیلیب, داعش نینگ عراقده بولگن لیگی دیک, یونسکو نینگ دنیا فرهنگی میراثی لستی ده اورین آلگن پالمیرا شهری نی هم تخریب ایتیش احتمالی توغری سیده خواطر بیلدیریلماقده.