داعش انسان لر نینگ اورگان لری نی ساتیب باشله گن
اوشبو مطلب نی عراق نینگ بیرلشگن ملت لر تشکیلاتی ده گی ایلچیسی نیویورک ده گی ییغیلیش جریانیده بیلدیردی
عراقده داعش انسان لرنینگ اورگان لری نی ساتماقده.
بیرلشگن ملت لر تشکیلاتی ده گی عراق نینگ ایلچیسی داعش نینگ عراقده انسان لرنینگ اورگان لری نی ساتیب اوشبو یولدن مادی امکانیت تامین ایتیب باشله گن لیگی نی بیلدیردی.
محمد علی عبدالحکیم آتلیق اوشبو ایلچی, توناون (سه شنبه) نیویورک ده بیرلشگن ملت لر تشکیلاتی خوف سیزلیک کینگشی ییغیلیشی جریانیده بیرگن بیاناتیده, عراق حکومتی نینگ داعش تمانیدن اولدیریلیب دسته جمعی بیر شکلده کومیلگن انسان لرنینگ جسد لری نینگ فرقلی جای لریده تیشیک لر کورگن لیگی نی معلوم قیلدی.
عبدالحکیم, "ایریم جسد لر نینگ بعضی اورگان لری موجود ایمس. بیر اورگان نینگ موجود بولمس لیگی قندای ممکن بوله دی؟ بو هم داعش نینگ ینگی مالی منبعی دن عبارت" دییه قید ایتدی.
علاقه لی ینگی لیکلر
سونگّی بیر هفته ده اونلب ترورچی یوق قیلیندی
اوشبو ترورچیلر سوریه و عراق نینگ شمالیده تاثیرسیز وضعیتگه کیلتیریلدی
