بیرلشگن عرب امیرلیک لری: اخوان المسلمین ترور تشکیلاتی دن عبارت

بیرلشگن عرب امیرلیک لری اخوان المسلمین نی ترور تشکیلات لری گه لستی گه کریتگن.
مصر ده کودتا نی حمایه له گن بیرلشگن عرب امیرلیک لری ریاض سیاستی نی تعقیب ایتیب, اخوان المسلمین نی ترور تشکیلات لری لستی گه کریتدی.
مصرده سیلنگن جمهوررئیسی محمد مرسی نینگ اقتدار دن توشیریلیشی بیلن باشلب کیتگن اخوان المسلمین گه مخالفت سیاست لری, مصر ده کودتا بیلن اقتدار گه کیلگن رژیم نی حمایه لیتگن اولکه لر ده کینگ قولاچ یاییب بارماقده.
ایلک نوبت ده مصر کودتا دن بیر نیچه آیی کیین میلادی میلادی ۲۰۱۳ نچی ییلی دسامبر آیی نینگ ۲۵ نچی کونیده اخوان المسلمین نی ترور تشکیلات لری لستی گه کریتگن ایدی.
مصرده گی اوشبو کودتا نی حمایه له گن سعودی عربستان هم میلادی ۲۰۱۴ نچی ییلی مارچ آیی نینگ ۷ نچی کونیده اخوان المسلمین نی ترور تشکیلات لری لستی گه کریتدی.
ایندی ایسه بیرلشگن عرب امیرلیک لری هم اخوان المسلمین نی بیر ترور تشکیلاتی اوله راق قبول ایتدی.
بیرلشگن عرب امیرلیک لری وزیرلر کینگشی تمانیدن تیارلنگن ۸۳ تشکیلات نینگ موجود بولگن اوشبو لست ده اخوان المسلمین بیلن بیرگه یمن ده گی شیعه حوثی حرکتی, لیبیا و تونس ده فعال رول اوینیتگن انصارالشریعه, پاکستان طالبانی و نایجیریا ده گی بوکوحرام سنگری تشکیلات لر هم اورین آلماقده.
عرب بیرلیگی هم بیرلشگن عرب امیرلیک لری نینگ اوشبو قراری نی حمایه له دی.
عرب بیرلیگی نینگ مصر لیک عمومی سکرتری نبیل العربی بیرلشگن عرب امیرلیک لری نینگ اوشبو قراری نی خرسند چیلیک بیلن کوتیب آلگن لیک لری نی بلدردی.
عینی دمده سعودی عربستان بیلن بیرلشگن عرب امیرلیک لری نینگ مصر ده کودتا بیلن اقتدار گه کیلگن رژیم بیلن مادی جهت دن جدی بیر شکل ده همکارلیک ایتیتگن لیگی بیلینماقده.
بیرلشگن عرب امیرلیک لری, سعودی عربستان و کویت مصرده گی کودتا رژیمی گه ۱۵,۹ میلیارد دالر یاردم ایتگن ایدی.