اسرائیل نینگ غزه گه قره تیلگن هجوم لری دوام ایتماقده

اسرائیل نینگ غزه گه قره تیلگن هجوم لری دوام ایتماقده.
اسرائیل اوروش طیاره لری ایندی ایسه الزوایده منطقه سی نی بمباردمان ایتدی.
اوشبو حادثه عاقبتیده بیر نفر فلسطین لیک عیال کیشی جان بیررایکن, اوچ کیشی ایسه یاره لندی.
شوندای قلیب جولای آیی نینگ 7 نچی کونیدن بیری دوام ایتیب کیلیتگن اسرائیل نینگ غزه گه قره تیلگن هجوم لری عاقبتیده جان بیرگن کیشی لرنینگ سانی 2 مینگ دن هم آشیب کیتدی.
یاره لنگن کیشی لرنینگ سانی نینگ ایسه 10 مینگ دن هم آرتیغراق ایکن لیگی بلدریلماقده.
جان بیرگن کیشی لرنینگ 550 دن آرتیغراق نفری فلسطین لیک باله لر دن عبارت.
عینی دمده اسرائیل بیلن فلسطین آره سیده گی آتش بس نینگ اداغگه ییتیشیشی آرتیدن باشلب کیتگن هجوم لر عاقبتیده بیر نفر اسرائیل لیک باله نینگ هم جان بیرگن لیگی قید ایتیلدی.
اوشبو باله نینگ جان بیریشی گه حماس نینگ سبب بولگن لیگی نی بلدرگن اسرائیل باش وزیری بونیامین ناتانیاهو, اسرائیل اردوسی نینگ اوز عملیات لری نی آرتریب یوباره دیگن لیگی نی معلوم قلدی.
عینی دمده اسرائیل بیلن فلسطین آره سیده گی آتش بس مذاکره لری نینگ قیته باشدن باشلب کیتیشی کوتیلماقده.
فلسطین و اسرائیل لیک مسئول لر نینگ, مصر واسطه چیلیگی ده مذاکره ایتیش بوییچه ایجابی فکر بلدرگن لیک لری معلوم قلیندی.