فلسطین ده جان بیرگن کیشی لرنینگ سانی آرتیب بارماقده

اسرائیل نینگ غزه ده گی هجوم لری عاقبتیده جان بیرگن کیشی لرنینگ سانی کونساین آرتیب بارماقده.
شوندای قلیب جان بیرگن کیشی لرنینگ سانی ۷۱۸ نفر دن هم آشیب کیترایکن, ۴ مینگ ۵۵۰ نفر نینگ ایسه یاره لنگن لیگی بلدریلدی.
بیرلشگن ملت لر تشکیلاتی انسان حق لری کینگشی, اسرائیل نینگ هجوم لری جریانی ده گی انسان حق لری اخلالی نینگ تیکشیریلیشی اوچون خلق ارا مستقل بیر تحقیقات کمیسیونی نینگ قوریلیشی گه قرار بیردی.
کینگش نینگ توناون اوشبو مناسبت بیلن ژنیو ده بولیب اوتگن ییغیلیشی جریانی ده کمیسیون نینگ قوریلیشی قراری امریکا قوشمه ایالت لری نینگ منفی رایی گه قره مسدن ۲۹ رای بیلن قبول ایتیلدی.
آره سیده فرانسه, آلمان و ایتالیا سنگری اوروپا اولکه لری نینگ هم موجود بولگن ۱۷ اعضا اولکه ایسه ممتنع رای بیردی.
بیرلشگن ملت لر تشکیلاتی عاجل یاردم لر کوردیناتوری والری آموس, منطقه ده وضعیت نینگ کونساین یمان له شیب باریتگن لیگی نی بلدررایکن, آتش بس نینگ تامین ایتیلیشی نینگ ضروری ایکن لیگی نی ایسله تیب اوتدی.
آموس, بیرلشگن ملت لر تشکیلاتی مکتب لری گه باریب سیغینگن کیشی لرنینگ سانی نینگ ۱۱۸ مینگ نفر گه کوتریلیب کیتگن لیگی نی معلوم قلدی.
عینی دمده غربی نوار ده اسرائیل نینگ هجوم لری گه قرشی ناراضی چیلیک بلدریلدی.
بیت اللحم ده فلسطین لیک یاش لر بیلن اسرائیل لیک حربی لر آره سیده توقنشو یوز بیردی.
تاش آتگن فلسطین لیک لر گه قرشی اسرائیل حربی لری کوز یاشی توکتروچی گاز دن استفاده ایتدی.
رام الله ده هم اسرائیل هجوم لری گه قرشی ناراضی چیلیک نمایش لری بولیب اوتدی.