اسرائیل نینگ غزه گه قره تیلگن زمینی عملیاتی دوام ایتماقده

اسرائیل نینگ غزه گه قره تیلگن زمینی عملیاتی دوام ایتماقده.
اوشبو عملیات لر جریانی ده جان بیرگن فلسطین لیک لرنینگ سانی ۳۱۶ کیشی گه کوتریلیب کیتدی. خودی منه شو کیشی لرنینگ کوپچیلیگی نینگ عیال لر و باله لر دن عبارت ایکن لیک لری بلدریلدی.
یاره لنگن کیشی لرنینگ سانی نینگ ایسه ۲ مینگ نفر دن هم آشیب کیتگن لیگی قید ایتیلدی.
سوزده مدافعه حقی دن استفاده ایتیتگن اسرائیل نینگ ایسه بیر حربی سی نینگ جان بیرگن لیگی معلوم قلیندی.
اوشبو عملیات لر نینگ ینه کمیده ایککی هفته دوام ایته دیگن لیگی بلدریلدی.
حماس حاضرگی کون گه ۱ مینگ ۵ یوزدن آرتیغراق راکت اوریش بیلن اسرائیل نینگ اوشبو عملیاتی گه قرشی جواب قیتردی.
غزه گه کیرگن اسرائیل حربی لری, تثبیت ایتگن تونل لر ده حماس لیک لر نی اخترماقده.
اسرائیل اردوسی, حاضرگی کون گه قدر ۱۷ نفر جنگری نینگ اولدیریلگن لیگی نی بلدردی.
عینی دمده غزه ده گی شفا کسل خانه سی نینگ یاره لنگن کیشی لر دن تولیق بولیب قالگن لیگی کورینماقده.
داکتر لر ایسه ادویه و طبی جهاز لرنینگ کمچیلیگی سببلی نیمه قیلری نی بیلمی قالگن وضعیت ده.
غربی نوارده گی فلسطین لیک لر هم غزه ده جان بیرگن قرداش لری اوچون کیچه نی کوچه لر ده اوتکزدی لر.
الخلیل ده ناراضی چیلیک نمایش لری اوتکزگن اوشبو کیشی لر, "خلق ارا جامعه قییرده سن؟ اسرائیل اشغالچی و تروریست" شکلی ده شعار بیردی لر.