کرکوک چیگره سی ده توقنشو لر دوام ایتماقده

کرکوک چیگره سی ده عراق شام اسلام دولتی ترور تشکیلاتی جنگری لری و محللی کرت رهبریتی گه باغلیق قوراللی کیشی لر آره سیده گی توقنشو دوام ایتماقده.
صدام حسین نینگ اورین باسر لری دن بیری بولگن جنرال عزت ابراهیم الدوری تمانیدن حمایه لنگن لیگی ادعا ایتیلگن عراق شام اسلام دولتی ترور تشکیلاتی نینگ اساسی هدفی نینگ پایتخت بغداد دن عبارت ایکن لیگی بلدریلدی.
جبهه ده اوروش لر دوام ایترایکن, عراق باش وزیری نوری المالکی بیوک بیر قسمی مذکور ترور تشکیلاتی نینگ قولی گه توشگن سامرا شهری گه کوتیلمه گن بیر سفر اویشتردی.
المالکی نینگ سامرا ده گی دینی رهبر لر دن بیری بولیب اوتگن امام حسن العسکری نینگ مزاری گه باریب دعا ایتگن لیگی بلدریلدی.
عراق شام اسلام دولتی ترور تشکیلاتی نینگ بغداد تمان حرکتی دوام ایترایکن, موصل دن قاچگن ایریم کیشی لر اوز اوی لری گه قیتیب بارماقده.
عراق نینگ اینگ کتته ایککینچی شهری دن عبارت موصل نی قول گه کریتگن اوشبو تشکیلات, قانون لری گه ماس حرکت ایتیش لری تقدیرده ملکی لر گه ضرر بیرمیدیگن لیگی نی بلدرماقده.
مذکور تشکیلات جنگری لری تمانیدن اشغال ایتیلیشی آرتیدن ایککی میلیون نفوس گه ایگه خودی منه شو شهر دن قریب ۵۰۰ کیشی مهاجر عراق نینگ شمالی گه قاچیب کیتگن ایدی.