عراق ده اویشتریلگن انتحاری هجوم عاقبتیده ۱۵ کیشی جان بیردی

عراق ده اویشتریلگن انتحاری هجوم عاقبتیده ۱۵ کیشی جان بیردی.
عراق نینگ الانبار ولایتی ده عراق دمشق اسلام دولتی تشکیلاتی گه قرشی کوره ش آلیب باریتگن قبیله رهبر لری دن بیری بولگن محمد خمیس ابو ریشه نینگ هدف قلیب آلینگن انتحاری هجوم عاقبتیده ۱۵ کیشی نینگ جان بیرگن لیگی بلدریلدی.
المالکی حکومتی گه قرشی ناراضی چیلیک نمایش لری نی حمایه له گن پارلمان اعضاسی احمد الوانی نینگ میلادی ۲۰۱۳ نچی ییلی دسامبر آیی نینگ ۲۸ نچی کونیده الانبار ده گی اویی گه قانلی بیر شکل ده باسیب کریلیب اوشله نیشی و منطقه ده حکومت گه قرشی ناراضی چیلیک نمایش لری نینگ ترتیب له نیتگن کمپ لرنینگ ترقه تیلیب یوباریلیشی, الانبار گه باغلیق فلوجه و رامادی و باشقه کوپلب شهر لر ده ایریم حادثه لر گه سبب بولیب کیتگن ایدی.
عراق اردوسی, عراق دمشق اسلام دولتی تشکیلاتی نینگ موجودیتی نی بلدریب دسامبر آیی دن بیری الانبار ولایتی ده اردون بیلن سوریه چیگره سی ده کینگ کولملی عملیات لر اویشتریب کیلماقده.
عینی دمده فلوجه و رامادی شهر لری نی کنترول لری آستی گه آلیش گه حرکت ایتیتگن "قبیله انقلابچی لری" نامیده گی قوراللی کیشی لر بیلن عراق اردوسی آره سیده هم توقنشو لر دوام ایتماقده.